Банкаўскія карткі могуць не працаваць у Беларусі ў ноч на 15 верасня

Банкаўскія карткі могуць не працаваць у Беларусі ў ноч на 15 верасня, паведамілі ў Банкаўскім працэсінгавым цэнтры.

15 верасня ў перыяд з 00:00 да 6:00 сумесна са спецыялістамі ЗАТ «Банкаўска-фінансавая Тэлесетка» будуць праводзіцца тэхналагічныя работы на каналах сувязі і каналаўтваральным абсталяванні паміж цэнтрам і БФТ.

У прамежак з 3.00 да 4.30 магчымыя кароткачасовыя перапынкі ў абслугоўванні трымальнікаў картак банкаў, якія карыстаюцца паслугамі цэнтра, а таксама ў сетцы арганізацый гандлю (сэрвісу), пунктаў выдачы наяўных, прылад самаабслугоўвання, банкаматаў, якія абслугоўваюцца банкамі, падлучанымі да апаратна-праграмнага комплексу цэнтра.

Банкаўскі працэсінгавы цэнтр прыносіць прабачэнні за дастаўленыя нязручнасці.

Прэв’ю: БелТА