Круглыя сталы для пажылых грамадзян арганізуе Магілёўскі раённы цэнтр сацыяльнага абслугоўвання насельніцтва.
Сустрэчы праводзяцца напярэдадні Дня пажылых людзей у рамках рэспубліканскай акцыі «Павага. Клопат. Адказнасць». У якасці спікіраў на іх выступаюць сацработнікі, супрацоўнікі міліцыі, устаноў аховы здароўя, грамадскіх арганізацый, духавенства, банкаўскія работнікі.
— Абмяркоўваем пытанні актыўнага даўгалецця, папярэджання ашуканскіх дзеянняў у адносінах да пажылых людзей, адказнасці працаздольных дзяцей перад непрацаздольнымі бацькамі, — паведамілі арганізатары. — Спецыялісты расказваюць сталым людзям, як папярэдзіць інфекцыйныя і заразныя скурныя захворванні. Старшыня Магілёўскай раённай арганізацыі БЧК Людміла Паддубская правяла майстар-клас па аказанні першай дапамогі.
Далучыцца да карысных сустрэч ўжо паспелі жыхары вёсак Амхавая-1, Міхалёва і аграгарадка Сухары.
Нэлі ЗІГУЛЯ
Фота з архіва МРЦСАН
Супрацоўнікі Мінпрыроды расказалі, якая карысць ад дрэў у горадзе.
У поўным аб’ёме задаволена патрэба краіны ў калійных і каменных солях, торфе, сапрапелі, будаўнічым камені, падземных водах.
