Кітай робіць паслядоўныя крокі па павышэнні пенсійнага ўзросту. Аб гэтым заявіў намеснік старшыні Камісіі па заканадаўчых пытаннях Пастаяннага камітэта Усекітайскага сходу народных прадстаўнікоў Чжан Юн, паведамляе БелТА.
13 верасня кітайскія заканадаўцы прагаласавалі за паступовае павышэнне з 2025 года ўстаноўленага законам пенсіённага ўзросту. Указваецца, што гэта стане першай падобнай зменай у краіне з 1950-х гадоў.
Згодна з рашэннем, на працягу 15 гадоў з 2025 года пенсіённы ўзрост для мужчын будзе паступова ўзняты з цяперашніх 60 да 63 гадоў, для жанчын рабочых прафесій — з 50 да 55, а для жанчын, якія працуюць у офісах, — з 55 да 58 гадоў.
Пры гэтым, пачынаючы з 2030 года, мінімальны тэрмін выплаты ўзносаў у пенсіённы фонд, неабходны для атрымання пенсіі, будзе паступова павялічвацца з 15 да 20 гадоў і кожны год павышацца на 6 месяцаў. Работнікі змогуць выйсці на пенсію датэрмінова, калі іх узносы ў пенсіённы фонд будуць адпавядаць мінімальнаму тэрміну. Тым не менш максімальны тэрмін датэрміновага выхаду на пенсію не павінен будзе перавышаць трох гадоў, а ўзрост выхаду на пенсію не павінен быць ніжэйшы за першапачаткова ўстаноўлены законам пенсійны ўзрост.
Адзначаецца, што рашэнне аб павышэнні пенсіённага ўзросту ў Кітаі было прынята з улікам такіх фактараў, як сярэдняя чаканая працягласць жыцця насельніцтва, стан здароўя жыхароў краіны, дэмаграфічная структура, узровень адукацыі і інш.
Восень для спецыялістаў аграрнай галіны — час падводзіць вынікі, і сёлета яны годныя.
6 кастрычніка архівісты адзначылі сваё прафесійнае свята.
У поўным аб’ёме задаволена патрэба краіны ў калійных і каменных солях, торфе, сапрапелі, будаўнічым камені, падземных водах.
