У Гомелі трактарыст пры павароце збіў прычэпам жанчыну на веласіпедзе

У ДТЗ у Гомельскай вобласці за мінулыя суткі пацярпелі веласіпедыст і матацыкліст. Аб гэтым БелТА паведамілі ва УУС Гомельскага аблвыканкама.

12 верасня днём 64-гадовы вадзіцель трактара з прычэпам рухаўся па вул. Жукава ў Гомелі. Паварочваючы направа, на дазваляльны сігнал святлафора, ён збіў прычэпам 59-гадовую жанчыну-веласіпедыста, якая рухалася па веласіпедным пераездзе.

У той жа дзень у Рэчыцкім раёне, прыкладна ў 20.00, 40-гадовы вадзіцель матацыкла, рухаўся па аўтадарозе Н4162 Рэчыца — Горваль — Васілевічы. У нейкі момант ён не справіўся з кіраваннем, з’ехаў у кювет і перакуліўся.

У абодвух выпадках пацярпелыя з траўмамі шпіталізаваны ў бальніцу.