Напярэдадні Дня горада міністр унутраных спраў Іван Кубракоў правёў інструктаж сталічнай міліцыі. Аб гэтым БелТА паведамілі ў МУС.
Кіраўнік ведамства заслухаў даклад начальніка ГУУС Мінгарвыканкама Міхаіла Грыба аб гатоўнасці асабовага складу да забеспячэння аховы грамадскага парадку.
«Дзеянні супрацоўнікаў міліцыі, у тым ліку з зацікаўленымі суб’ектамі, ужо неаднаразова адпрацаваны на практыцы ў розных няштатных сітуацыях. Разам з тым важна ўлічваць, што аднолькавых мерапрыемстваў не бывае: мы абавязаны праяўляць павышаную пільнасць, трымаць пад кантролем кожную дэталь, нават калі яна на першы погляд здаецца неістотнай», — падкрэсліў Іван Кубракоў.
Заўтра супрацоўнікі заступяць на службу па забеспячэнні правапарадку ва ўзмоцненым рэжыме. Будзе функцыянаваць аператыўна-сітуацыйны штаб і весціся кругласутачнае назіранне з прымяненнем Рэспубліканскай сістэмы маніторынгу грамадскай бяспекі.
Пункты пропуску на пляцоўкі правядзення масавых гулянняў адкрыюцца ў 7.00. Для асаблівых катэгорый грамадзян будуць працаваць КПП з аранжавым тэнтам.
Таксама прадстаўнікі гарадскіх арганізацый далажылі на нарадзе аб гатоўнасці стварыць для гасцей камфортныя і бяспечныя ўмовы.
Восень для спецыялістаў аграрнай галіны — час падводзіць вынікі, і сёлета яны годныя.
6 кастрычніка архівісты адзначылі сваё прафесійнае свята.
У поўным аб’ёме задаволена патрэба краіны ў калійных і каменных солях, торфе, сапрапелі, будаўнічым камені, падземных водах.
