17 верасня ў Мінску адбыўся аўтапрабег «За адзіную Беларусь», арганізаваны рэспубліканскім грамадскім аб’яднаннем «Патрыёты Беларусі» ў рамках святкавання Дня народнага адзінства.
У мерапрыемстве прынялі ўдзел прадстаўнікі ўсіх рэгіёнаў Беларусі.
— Аўтапрабег стаў працягам рэалізаванага ў 2023 годзе праекта «сімвал адзінства», падчас якога было сабрана 118 сцягоў кожнага раённага цэнтра, 6 сцягоў кожнай вобласці і 10 сцягоў гарадоў абласнога падпарадкавання для ўстаноўкі на алеі адзінства ў Мінску. — адзначыў старшыня РГА «Патрыёты Беларусі» Мікалай Зарубіцкі. — Паступала вельмі шмат званкоў з розных рэгіёнаў ад жадаючых далучыцца да нас. У выніку сёлета ў аўтапрабегу прынялі ўдзел дэлегацыі ад кожнага раённага цэнтра, горада абласнога падпарадкавання і вобласці. Яны прадстаўляюць рэгіёны пад сваім сцягам. Наш народ вельмі актыўны, людзі разумеюць важнасць дня Народнага Адзінства. Аўтапрабег — гэта наш спосаб паказаць адзін аднаму і ўсяму свету, што мы разам, мы любім нашу цудоўную Беларусь.
Віктар ІВАНЧЫКАЎ
Фота: Віктар ІВАНЧЫКАЎ
Цэны на ліквіднае жыллё ў сталіцы выраслі на 5 працэнтаў.
Ці варта бацькам падымаць трывогу, калі дзіця захапілася гэтым відам спорту?
Укараняюцца інавацыйныя тэхналогіі ў практыку работы дзіцячых садкоў.
