Фестываль студэнцкага жыцця «ПершакурснікFEST» адбудзецца заўтра

Верасень для студэнтаў беларускіх ВНУ праходзіць пад знакам першакурснікаў. Ён так і завецца — «Месячнік першакурсніка».
У рамках акцыі па ўсёй краіне праходзіць шмат цікавых мерапрыемстваў. 

Адно з іх — фестываль студэнцкага жыцця «ПершакурснікFEST» адбудзецца заўтра ў галоўным універсітэце Беларусі і збярэ больш за тысячу студэнтаў БДУ.

Свята разгорнецца 19 верасня ва ўнутраным дворыку БДУ, а галоўнымі героямі дзейства стануць, вядома, першакурснікі. Побач з імі будуць іх старэйшыя таварышы, бо галойная мэта мерапрыемства — дапамагчы навічкам адаптавацца да ўніверсітэцкага жыцця, пазнаёміць іх з магчымасцямі рэалізацыі інтэлектуальных, творчых, спартыўных і іншых інтарэсаў.

Адкрыюць урачыстую частку фестывалю і накіруюць словы на дарогу першакурснікам рэктар БДУ Андрэй Кароль і першы сакратар ЦК БРСМ Аляксандр Лук’янаў. Таксама запрошаным госцем стане першы сакратар Мінскага гарадскога камітэта ГА «БРСМ» Раман Бандарук.

Цягам дня для студэнтаў будуць працаваць 15 інтэрактыўных зон. Традыцыйна запланаваны прэзентацыі напрамкаў дзейнасці маладзёжнай арганізацыі БРСМ БДУ, які і з’яўляецца арганізатарам мерапрыемства. 

Нагадаем, ВА ГА «БРСМ» з правамі РК БДУ заснавана 15 кастрычніка 2002 года. Зараз арганізацыя вядзе дзейнасць па дзевяці напрамках, кожны з якіх з’яўляецца акутальным і важным. Гэта грамадзянска-патрыятычнае выхаванне, працаўладкаванне і падтрымка таленавітай і адоранай моладзі. Сярод напрамкаў таксама ёсць прапаганда здаровага ладу жыцця і развіццё валанцёрскага руху, міжнароднае супрацоўніцтва, работа з моладдзю ў інфармацыйнай прасторы, прававое выхаванне моладзі і падтрымка.

Сярод іх грамадзянска-патрыятычны, прававы, валанцёрскі, інфармацыйны накірункі, другаснай занятасці моладзі, па міжнародным супрацоўніцтве, падтрымцы таленавітай і таленавітай моладзі і інш.

Акрамя таго, хлопчыкаў і дзяўчынак запросяць на інтэрактыўныя пляцоўкі з дэманстрацыяй хімічных доследаў, майстар-класам па напісанні кітайскіх іерогліфаў на палатне, настольнымі гульнямі, экалагічнай прэзентацыяй па правільным размеркаванні смецця і інш. Удзельнікі свята ўбачаць выступленні спартсменаў універсітэта і іх дэманстрацыю прыёмаў па дзюдо. Суправаджаць імпрэзу будзе святочны канцэрт, на якім выступяць артысты і творчыя калектывы БДУ.