Міжнародная спецыялізаваная выстава жыллёва-камунальнай гаспадаркі «Наш дом» адкрылася 18 верасня ў Мінску ў выставачным цэнтры «БелЭкспа». Менавіта тут можна ўбачыць найноўшыя дасягненні гэтага напрамку.
— Галоўная наша мэта — павысіць якасць аказання жыллёва-камунальных паслуг, а таксама стварыць камфортныя ўмовы для жыцця нашых грамадзян. У рамках выставы пройдзе каля 10 мерапрыемстваў, дзе будуць разгледжаны асноўныя пытанні аказання жыллёва-камунальных паслуг, — адзначыў на адкрыцці мерапрыемства міністр жыллёва-камунальнай гаспадаркі Генадзь Трубіла.
Таксама ён дадаў, што на выставе дэманструюцца дасягненні і ў сферы ЖКГ, і ў сумежных галінах, што садзейнічае развіццю ўзаемадзеяння і прадуктыўным дыскусіям.
Усяго ў выставе «Наш дом» прадстаўлена больш за 110 экспанентаў з Беларусі і Расіі. Таксама ёсць вялікая вулічная экспазіцыя з камунальнай тэхнікай разнастайных вытворцаў.
Наведаць выставу можна да 20 верасня.
Лізавета ГОЛАД, фота аўтара.
Укараняюцца інавацыйныя тэхналогіі ў практыку работы дзіцячых садкоў.
У Мінску завяршыўся фестываль «Еўразія.DOC».
Пытанняў і праблем, якія стаяць перад кіраўніцтвам арганізацыі, нямала.
Цэны на ліквіднае жыллё ў сталіцы выраслі на 5 працэнтаў.
