Фотавыстаўка Анатоля Клешчука «Маім праведнікам» адкрылася ў Мінску. У вялікай зале Дома дружбы размясцілася унікальная калекцыя здымкаў, якую аўтар ствараў на працягу некалькіх дзесяцігоддзяў. Таленавіты фотажурналіст працаваў у газеце «Звязда», сярод яго галоўных творчых тэм заўжды заставалася тэма захавання памяці пра беларускіх Праведнікаў народаў свету. Яны ў ваенным ліхалецці, рызыкуючы жыццём, ратавалі ахвяр Халакосту, выяўлялі мужнасць і самаахвярнасць, абіраючы шлях спагады і супраціву. Анатолю Клешчуку пашчасціла за сваё жыццё зафіксаваць на фотастужку вобразы амаль сотні Праведнікаў. На выставе прадстаўлена частка гэтай каштоўнай калекцыі.
У гады Вялікай Айчыннай вайны на тэрыторыі Бенларусі захопнікі стварылі больш за 200 вялікіх і малых гета, дзе утрымлівалі больш сотні тысяч вязней яўрэяў. Некаторым пашчасціла збегчы, уратавацца, у тым ліку дзякуючы смелым і спагадлівым людзям. Незалежна ад веравызнання і дастатку, беларусы ратавалі вязняў хаваючы іх, даючы ежу, адзенне, падтрымку і надзею.
На ўрачыстым адкрыцці выстаўкі прысутнічалі актывісты Грамадскага аб’яднання «Беларускі фонд міру», прадстаўнікі Міністэрства замежных спраў Беларусі, Дэпартамента па гуманітарнай дзейнасці, супрацоўнікі акрэдытаваных у Беларусі дыпмісій.
Усе прысутныя прынялі ўдзел ў цырымоніі запальвання сімвалічнай Свечкі памяці. Яе трапяткі агеньчык загарэўся ў знак падзякі тым, хто ў гады вайны ратаваў нявінных ахвяр і тых, хто ў мірныя часы працягвае рабіць унёсак у захаванне памяці пра подзвіг нашага народа.
Яўген ПЯСЕЦКІ
Фота аўтара
Супрацоўнікі Мінпрыроды расказалі, якая карысць ад дрэў у горадзе.
Восень для спецыялістаў аграрнай галіны — час падводзіць вынікі, і сёлета яны годныя.
У поўным аб’ёме задаволена патрэба краіны ў калійных і каменных солях, торфе, сапрапелі, будаўнічым камені, падземных водах.
