У сталічным Палацы спорту завяршыўся 53-і міжнародны турнір па вольнай барацьбе памяці трохразовага алімпійскага чэмпіёна Аляксандра Мядзведзя, паведамляе БелТА.
Удзельнікі спаборніцтваў разыгралі медалі ў дзесяці вагавых катэгорыях, прадстаўнікі Беларусі заваявалі дзесяць узнагарод: дзве залатыя, адну сярэбраную і сем бронзавых. Пераможцамі мемарыяла Мядзведзя сталі Арыян Цютрын (да 61 кг) і Аляксандр Гуштын (да 97 кг), на другую прыступку п’едэстала ў вазе да 97 кг падняўся Уладзіслаў Казлоў.
Бронзавыя медалі выйгралі Дзмітрый Шамела (да 61 кг), Расул Ціхаеў, Ілья Хамцоў (абодва — да 86 кг), Яраслаў Ядкоўскі (да 92 кг), Васіль Паўлючэнка (да 97 кг), а таксама Віталь Пясняк і Павел Дзятлаў (абодва — да 125 кг). Чатыры ўзнагароды вышэйшай пробы ў атлетаў з Расіі, тры золата ў дэлегацыі Азербайджана, адно — у Балгарыі.
Усяго на спаборніцтвах памяці трохразовага алімпійскага чэмпіёна Аляксандра Мядзведзя выступілі барцы вольнага стылю з 11 краін: Беларусі, Расіі, Азербайджана, Балгарыі, Узбекістана, Бахрэйна, Кыргызстана, Таджыкістана, Казахстана, Малдовы і Грэцыі.
Адкрыццё выставак і арт-аб’ектаў, важныя сустрэчы і экскурсіі, народныя гулянні і, вядома, канцэрт «Час выбраў нас».
«Я — чалавек каманды. Важна, каб людзі, якія знаходзяцца побач, верылі ў мяне».
