Старшыня Савета Рэспублікі Наталля Качанава сустрэлася са старшынямі мясцовых саветаў дэпутатаў абласнога і базавага тэрытарыяльных узроўняў 29-га склікання, перадае БелТА.
«Мы з вамі праводзілі падобныя сустрэчы неаднаразова. Адзінае, што раней мы праводзілі іх у рэгіёнах і сустракаліся сектаральна. Было прынята рашэнне сабраць вас усіх у Савеце Рэспублікі — старшыняў абласных, раённых і гарадскіх саветаў дэпутатаў. Сёлета ў нас прайшлі выбары. Мы выбралі дэпутатаў усіх узроўняў, прыступілі да работы новыя людзі. І ў адпаведнасці з законам аб Нацыянальным сходзе вы ведаеце, што Савет Рэспублікі з’яўляецца каардынуючым органам у рабоце з дэпутатамі ўсіх узроўняў, мы праводзім такую нараду. Я вас заклікаю да адкрытага дыялогу. Я хацела б пачуць ад вас тыя пытанні, якія хвалююць сёння дэпутатаў на месцах», — адзначыла Наталля Качанава.
У сустрэчы удзельнічаюць старшыні мясцовых саветаў дэпутатаў абласнога і базавага тэрытарыяльных узроўняў Брэсцкай, Віцебскай, Гомельскай, Гродзенскай, Мінскай і Магілёўскай абласцей. «Тут практычна ўся краіна. Кіраўнікі абласных, раённых і гарадскіх саветаў дэпутатаў, — падкрэсліла спікер. — Але гэта не адмяняе нашых сустрэч, якія мы будзем праводзіць у рэгіёнах. Мы працягнем гэтыя сустрэчы. Для нас вельмі важна, каб сёння дэпутацкі корпус быў на вастрыі тых пытанняў і задач, якія стаяць перад кіраўнікамі ўсіх галін улады».
«Гэта не толькі пра бізнес, але і пра чалавечыя адносіны».
«Нашы работы — жывыя, з энергетыкай любові і дабра».
