Калі пачынаць уцяпленне раслін

Калі ўцяпляць расліны

Нават цеплалюбівыя культуры, такія як ружы і вінаград, добра пераносяць лёгкія маразы. Кароткачасовае паніжэнне тэмпературы да −8 — −10 °С толькі гартуе расліны і ўмацоўвае іх імунітэт.

Да ўцяплення прыступаюць, калі ночы становяцца стабільна халоднымі, паказчыкі тэрмометра апускаюцца ўначы да −5 — −8°С, а днём не паднімаюцца вышэй за нуль.

Не варта спяшацца з укрываннем раслін, бо пасля першага пахаладання часта вяртаецца цеплыня. Пад укрыццём тэмпература будзе яшчэ вышэйшая, разам з высокай вільготнасцю паветра ствараюцца спрыяльныя ўмовы для размнажэння патагеннай мікрафлоры.

Калі ў садзе шмат дэкаратыўных раслін, якія маюць патрэбу ва ўкрыцці, то ў першую чаргу ўцяпляюць буйналісныя гартэнзіі: іх кветкавыя пупышкі знаходзяцца на верхавінах парасткаў, яны ўразлівыя нават для невялікіх замаразкаў. Укрыць гартэнзію лепш да першых маразоў.

Затым хаваюць ружы, вінаград, клемацісы і іншыя цеплалюбівыя культуры. У апошнюю чаргу, калі сярэднясутачная тэмпература паветра апусціцца да −8 — −10 °С, укрываюць рададэндраны і іншыя вечназялёныя кусты.

Укрыццё для іглічных абараняе іх не ад марозу, а ад абгарання на сонцы, холад ім не страшны. З укрыццём можна не спяшацца, паколькі небяспеку ўяўляе лютаўскае і сакавіцкае сонца. Сховішча можна збудаваць у любы зручны час у пачатку зімы.

Аксаміткі восенню

Cакрэты выкарыстання для паляпшэння глебы і аховы раслін

Аксаміткі — яркія і чароўныя кветкі, якія ўпрыгожаць любы ўчастак. Але ці ведаеце вы, што пасля цвіцення яны могуць прынесці яшчэ больш карысці? Давайце разбяромся, як выкарыстоўваць аксаміткі восенню.

Сваімі яркімі фарбамі аксаміткі цешаць вока, але прыгажосць — не адзіная іх перавага. Гэтыя кветкі вядомыя сваімі фітанцыдамі — рэчывамі, якія валодаюць антыбактэрыяльнымі і фунгіцыднымі ўласцівасцямі. Менавіта дзякуючы ім аксаміткі абараняюць расліны ад шматлікіх шкоднікаў і хвароб.

Пасля заканчэння цвіцення не спяшайцеся выкідваць аксаміткі. Іх можна выкарыстоўваць з вялікай карысцю для вашага саду.

• Мульчыраванне. Здробненыя аксаміткі стануць выдатным мульчыруючым матэрыялам. Расклаўшы іх вакол раслін, вы абароніце глебу ад перасыхання, захаваеце карысных насякомых і прыпыніце рост пустазелля.
• Угнаенне. Аксаміткі багатыя пажыўнымі рэчывамі. Дадаўшы іх у кампост, вы атрымаеце высакаякаснае ўгнаенне. Таксама можна прыгатаваць вадкі настой з аксамітак, які падкорміць расліны.
• Абарона раслін. Фітанцыды аксамітак адпужваюць шматлікіх шкоднікаў, такіх як нематоды, тля і каларадскія жукі. Пасадзіце аксаміткі побач з агародніннымі культурамі, клубніцамі, ружамі і іншымі раслінамі, каб абараніць іх ад шкоднікаў.
• Здароўе глебы. Закапаўшы аксаміткі ў глебу, вы палепшыце яе структуру, павялічыце ўтрыманне арганічных рэчываў і ўзбагаціце карыснымі мікраарганізмамі.

Адмысловыя рэцэпты для розных культур

• Клубніцы. Для абароны клубніц ад хвароб і шкоднікаў раскладзіце здробненыя аксаміткі паміж радамі.
• Ружы. Каб захаваць ружы здаровымі, раскладзіце здробненыя аксаміткі вакол кустоў.
• Часнок. Даданне здробненых аксамітак у лункі пры пасадцы часнаку дапаможа абараніць яго ад хвароб і шкоднікаў.

Аксаміткі — гэта не проста прыгожыя кветкі, але і сапраўдныя памагатыя для кожнага агародніка. Выкарыстоўвайце іх з розумам, і ваш сад і агарод заўсёды будуць здаровымі і прыгожымі.

Ірына ТАМКОВІЧ