У Мастацкай галерэі «Універсітэт культуры» адкрылася выстава акварэльнага жывапісу беларускай мастачкі Яны Сурмачэўскай «Распраў крылы», паведамляюць «Минск-Новости».
У экспазіцыі прадстаўлены 60 работ, на якіх намаляваны птушкі Беларусі. Мастачка падкрэсліла, што яе мэта – напісаць усіх птушак рэспублікі. На дадзены момант іх налічваецца 337 відаў, але паколькі з-за змяненняў клімату ў краіне з’яўляюцца яшчэ і новыя, яна спадзяецца, што яе праца працягнецца.
На думку мастачкі, менавіта акварэль лепш за ўсё падыходзіць для адлюстравання птушынай тэмы.
Суразмоўніца распавяла, што новы этап у яе жыцці пачаўся ў 2019 годзе, і тады яна пачала серыю акварэлі «Птушкі Беларусі». Цяпер кожную сваю работу яна піша так, каб стваралася адчуванне, быццам птушка нечакана ўзмахне крыламі, узляціць і заспявае.
Мастачка адзначыла: птушкі — яе захапленне, натхненне і філасофія.
— Колькі сябе памятаю, адчувала крылы за спінай, заставалася толькі навучыцца лётаць. З дзяцінства з захапленнем назірала за птушкамі і аднойчы знайшла ідэальны спосаб расправіць крылы з дапамогай мастацтва, — падкрэсліла яна.
Выстава працягнецца па 18 лістапада.
Карэкціроўкі па аплаце жыллёва-камунальных паслуг закрануць чатыры катэгорыі жыхароў.
