Аўтамабіль збіў падлетка на пешаходным пераходзе ў Мінску

У Мінску падлетак на сродку персанальнай мабільнасці патрапіў пад колы аўтамабіля. Аб гэтым БелТА паведамілі ва УДАІ ГУУС Мінгарвыканкама.

Паводле папярэдняй інфармацыі, учора 44-гадовы вадзіцель Toyota рухаўся па вуліцы Шырокай. На скрыжаванні з вуліцай Усходняй ён працягнуў рух на забараняльны чырвоны сігнал святлафора. У выніку гэтага мужчына ўчыніў наезд на 16-гадовага пешахода на сродку персанальнай мабільнасці. Падлетак перасякаў праезную частку па рэгуляваным пешаходным пераходзе на зялёны сігнал святлафора.

Пешаход дастаўлены ва ўстанову аховы здароўя для абследавання.