Мабільныя датчыкі кантролю хуткасці працуюць на 11 участках дарог у Мінску

Мабільныя датчыкі кантролю хуткасці працуюць 3 лістапада на 11 участках дарог у Мінску. Аб гэтым БелТА паведамілі ва УДАІ ГУУС Мінгарвыканкама.

Пад кантролем праспекты Незалежнасці (60, 80 км/г), Пушкіна (60 км/г), Жукава (60 км/г), Дзяржынскага (70 км/г), а таксама МКАД (90 км/г). Уключаны прыборы і на вуліцах Ванеева, Маякоўскага, Дамашэўскай, Леніна, Арлоўскай, Маскоўскай (на ўсіх — 60 км/гадз).

Дзяржаўтаінспектары просяць аўтамабілістаў быць уважлівымі, захоўваць хуткасны рэжым руху і ўлічваць умовы надвор’я.