Кінафестываль «Лістапад». Што паглядзець 3 лістапада?

Сёння ў кінатэатры «Цэнтральны» пройдзе асноўны конкурс ігравых фільмаў. У 11.00 там пакажуць кінакарціну індыйскага рэжысёра Аміта Джэйна «Песні кахання». Ён расказаў, што сам з’яўляецца фанатам беларускага кіно. Яму падабаюцца такія кінакарціны, як «Ідзі і глядзі» і «Чорны замак», паведамляе БелТА. 

«Ад многіх сяброў з Беларусі і Расіі я чуў, што яны фанаты Балівуда. Сюды я прывёз фільм, які называецца «Песні кахання». Мы прадставім вельмі прыгожую гісторыю, дзе даследуюцца колеры і адценні кахання. Гэта музычная драма, бо ў Балівудзе не абысціся без музыкі. Можна сказаць, што гэтым фільмам я выказваю любоў да Мінска», — дадаў рэжысёр.

У 15.00 у «Цэнтральным» прадставяць кітайскі фільм «Чань Ань Сіян», а ў 18.00 — расійскі «Новы Берлін».

У «Піянеры» прадоўжыцца конкурс фільмаў для дзіцячай і юнацкай аўдыторыі «Лістападзiк». У 11.00 тамака пакажуць кінастужку «TETANUS» мексіканскага рэжысёра Рафаэля Апарысіа, а ў 14.00 — партугальскую «Мару Кларысы».

У 14.00 у гэтым жа кінатэатры прадставяць бразільскую кінакарціну з асноўнага конкурсу неігравых фільмаў «Сіла волі Маркаса», а 18.00 — фільм расійскага рэжысёра Аксаны Сямёнавай «Жыццё памаленьку».

У кінатэатры «Мір» пройдзе Нацыянальны конкурс. У 12.00 там пакажуць кінакарціны Кацярыны Шарамет і Ігара Бышнёва «Леанід Шварцман. Казка аб хлопчыку і старым горадзе» і «Бярэзінскі біясферны». У 15.30 — «Ліст чакання» Міхаіла Яфрэмава. У 18.30 гледачы ўбачаць «Генацыд. Без права на жыццё» рэжысёра Алега Шычко, «Асобы ў гісторыі. Валянціна Баранава» рэжысёра Арсенія Ільіных, а таксама «Калыханку для Станіслава» рэжысёра Ганны Гертман. Гэты фільм заваяваў галоўны прыз на кінафестывалі кароткага метра ў Бішкеку і ўзнагароды на міжнародных прэстыжных еўрапейскіх фестывалях.

У кінатэатры «Перамога» пройдзе конкурс «Кіно маладых». У 15.00 пакажуць фільм непальскага рэжысёра Міна Бахадура Бхама «Шамбала», які атрымаў спецпрыз Берлінскага кінафестывалю. У 18.30 — пакістанскі фільм «Новы пачатак».

У конкурсе нацыянальных кінашкол у 17.00 прадставяць беларускую кінастужку «Ад краю да краю» Міхаіл Пташук. Старонкі дзённіка" Анастасіі Мароз і расійскую «Бесонніцу» Андрэя Кавальчука. Акрамя таго, у кінатэатры «Перамога» ў 18.00 адбудзецца Дзень Іранскага кіно.

На кінастудыі «Беларусьфільм» у 15.00 пройдзе прэзентацыя фільма «Гардэмарыны 1787. Вайна» з удзелам Святланы Дружынінай. Таксама адбудуцца іншыя сустрэчы і майстар-класы.