У Магілёве ўтворана абласная камісія па выбарах Прэзідэнта Рэспублікі Беларусь. Такое рашэнне было прынята падчас сумеснага пасяджэння Прэзідыума Магілёўскага абласнога Савета дэпутатаў і Магілёўскага аблвыканкама, перадае БелТА.
Магілёўская абласная камісія сфарміравана ў максімальна дапушчальным складзе — 13 чалавек. У якасці кандыдатаў было зарэгістравана 17 чалавек: прадстаўнікі палітычных партый, грамадскіх аб’яднанняў, працоўных калектываў, галіновых прафсаюзаў, а таксама грамадзяне шляхам падачы заяў. Як адзначыў начальнік Галоўнага ўпраўлення арганізацыйна-кадравай работы Магілёўскага аблвыканкама Сяргей Іваноў, палітычныя партыі праявілі высокую актыўнасць, сфармаваўшы 65% ад агульнай колькасці зарэгістраваных кандыдатаў.
Склад Магілёўскай абласной камісіі па выбарах Прэзідэнта Рэспублікі Беларусь быў абраны шляхам персанальнага і адкрытага галасавання. «Асноўнымі крытэрамі пры вывучэнні кандыдатаў былі жыццёвы вопыт, прафесійная і працоўная дзейнасць, досвед працы ў камісіях, узровень прадстаўніцтва грамадскіх аб’яднанняў і палітычных партый у вобласці, іх пазнавальнасць і аўтарытэт сярод насельніцтва», — падкрэсліў Сяргей Іваноў.
Першае пасяджэнне Магілёўскай абласной камісіі па выбарах Прэзідэнта пройдзе ў Магілёве 6 лістапада, дзе будзе разглядацца шэраг арганізацыйных пытанняў, а таксама будзе абраны яе кіруючы склад.
Абласная камісія арганізуе правядзенне выбараў Прэзідэнта, ажыццяўляе кантроль за выкананнем патрабаванняў Выбарчага кодэкса і іншых актаў заканадаўства аб выбарах на тэрыторыі вобласці.
Прэв’ю: БелТА
Карэкціроўкі па аплаце жыллёва-камунальных паслуг закрануць чатыры катэгорыі жыхароў.
