Прадстаўнік Міністэрства транспарту КНР Лю Пэнфэй прадставіў апошнія дасягненні Кітая ў паскарэнні будаўніцтва першакласнай партовай інфраструктуры, а таксама ў стварэнні і пераўтварэнні аўтаматызаваных партоў, перадае «Жэньмінь жыбаа» анлайн».
Спецыяліст адзначыў, што будаўніцтва першакласнай партовай інфраструктуры, стварэнне і пераўтварэнне аўтаматызаваных партоў з’яўляюцца ключавой работай, якую прасоўвае Міністэрства транспарту КНР. Што датычыцца будаўніцтва першакласнай партовай інфраструктуры, цяпер сфарміраваны партовыя кластары сусветнага ўзроўню ў раёнах Бахайскага мора, дэльты ракі Янцзы, рэгіёну Вялікага заліва Гуандун—Сянган—Аамэнь. Кітай на працягу многіх гадоў займае першае ў свеце месца па маштабе партовай інфраструктуры.
Цяпер у Кітаі пабудаваны 49 аўтаматызаваных тэрміналаў для кантэйнерных і навалачных грузаў, у працэсе будаўніцтва знаходзяцца 44 тэрміналы. КНР з’яўляецца першай у свеце краінай па колькасці ўжо пабудаваных партовых тэрміналаў і тых, якія будуюцца. У партах Шанхая і Цындаа ажыццяўляецца незалежны кантроль над аперацыйнымі сістэмамі кіравання і вытворчасці, дасягнуты прарыў у вытворчай эфектыўнасці.
Карэкціроўкі па аплаце жыллёва-камунальных паслуг закрануць чатыры катэгорыі жыхароў.
