У Мінску ўручаюць Міжнародную прэмію «За мір і правы чалавека»

Цырымонія ўручэння Другой міжнароднай праваабарончай прэміі «За мір і правы чалавека» праходзіць у Мінску, паведамляе БелТА.

Прэмія «За мір і правы чалавека» заснаваная міжнародным дабрачынным фондам імя Эміля Чачко і ўручаецца штогод. Асноўнымі крытэрыямі для прысуджэння прэміі з’яўляюцца значны ўклад лаўрэата ва ўмацаванне правоў чалавека ў свеце і іх абароны, грамадскае прызнанне заслуг лаўрэата ў праваабарончай дзейнасці, а таксама сацыяльная значнасць дзейнасці. Спіс намінантаў уражвае: сярод іх журналісты, актывісты, палітыкі і дзеячы культуры, чые намаганні натхняюць мільёны.

«У гэтым годзе мы значна пашырылі геаграфію намінантаў. Было больш за 100 заявак, з якіх мы адабралі 60. Сёння мы ўзнагароджваем 20 лаўрэатаў з ЗША, Вялікабрытаніі, Францыі, Польшчы, Сербіі, Расіі і, вядома ж, Беларусі. Спадзяемся, што ў наступным годзе мы ўжо захопім і афрыканскі кантынент і Азію, — адзначыў дырэктар Цэнтра „Сістэмная праваабарона“ Дзмітрый Белякоў. — Самая галоўная праблема сёння — крызіс маральнасці і этыкі, бо чым ніжэй у чалавека маральнасць, тым больш страшныя ўчынкі ён можа здзяйсняць. І сённяшнія нашы Лаўрэаты — гэта змагары за тое, каб чалавек заставаўся чалавекам».

Прэв’ю: БелТА