Аўстралійскія і нямецкія навукоўцы знайшлі спосаб паспяхова лячыць рэдкую і патэнцыйна смяротную хваробу – таксічны эпідэрмальны некроліз (таксама вядомая як сіндром Лайела). Пра гэта паведамляе ТАСС са спасылкай на прэс-рэліз мельбурнскага Інстытута Ўолтэра і Элізы Хол (WEHI), які браў удзел у даследаванні.
Сіндром Лайела ўяўляе сабой рэзкую алергічную рэакцыю арганізма на пэўныя антыбіётыкі. Ён суправаджаецца ўтварэннем пухіроў, высокай тэмпературай, што ў выніку можа прывесці да адмовы ўнутраных органаў і смерці. Лятальнасць хваробы складае каля 30%, гаворыцца ў паведамленні інстытута.
Аўстралійскія навукоўцы ў супрацоўніцтве з Інстытутам біяхіміі Таварыства Макса Планка выкарыстоўвалі перадавую тэхніку па аналізе бялкоў, якая дазволіла «вывучыць асобныя клеткі з беспрэцэдэнтнай дэталізацыяй і стварыць карту тысяч пратэінаў, якія выклікаюць гэта захворванне». Яны змаглі ідэнтыфікаваць гіперактывізацыю так званага сігнальнага шляху JAK-STAT, які адказвае ў тым ліку за дзяленне і адміранне клетак, імунныя рэакцыі.
У выніку навукоўцы вырашылі паспрабаваць ужо вядомыя ў лячэнні іншых скурных хвароб інгібітары янус кіназы (Janus kinase, JAK). Даклінічныя выпрабаванні паказалі «вельмі пазітыўныя вынікі», і навукоўцы вырашылі апрабаваць новы метад на пацыентах — ім удалося паспяхова вылечыць сем чалавек у Германіі, якія пакутавалі ад хваробы.
«Знайсці лячэнне для такой смяротнай хваробы — гэта „святы Грааль“ у медыцыне. Мяне распірае ад гонару, што гэта неверагоднае сумеснае даследаванне ўжо дапамагло выратаваць некалькі жыццяў», — заявіла адзін з аўтараў даследавання, супрацоўнік WEHI Холі Андэртан.
Карэкціроўкі па аплаце жыллёва-камунальных паслуг закрануць чатыры катэгорыі жыхароў.
