Мядзведзеў здабыў першую перамогу на выніковым турніры АТР

Расіянін Данііл Мядзведзеў (4-ы нумар сусветнага рэйтынгу) атрымаў першую перамогу на выніковым турніры Асацыяцыі тэнісістаў-прафесіяналаў (АТР), які праходзіць у італьянскім Турыне, паведамляе БелТА.

Сёння ў другім туры групавога этапу расійскі тэнісіст абыграў у двух сэтах аўстралійца Алекса дэ Мінаура (9) — 6:2, 6:4. На старце спаборніцтваў Мядзведзеў саступіў амерыканскаму тэнісісту Тэйлару Фрыцу (5) — 4:6, 3:6. Сёння Фрыц сустрэнецца з першай ракеткай планеты італьянцам Янікам Сіннерам, які ў першым туры перамог дэ Мінаура — 6:3, 6:4.

У стартавым туры спаборніцтваў у другой групе нарвежац Каспер Рууд (7) абыграў іспанца Карласа Алькараса (3) — 6:1, 7:5, а прадстаўнік Германіі Аляксандр Звераў (2) выйграў у расійскага тэнісіста Андрэя Рублёва (8) — 6:4, 6:4.

Пасля завяршэння групавога этапу па два лепшыя тэнісісты з кожнага квартэта працягнуць барацьбу ў паўфінале, вырашальны паядынак адбудзецца 17 лістапада. Агульны прызавы фонд выніковага турніру АТР сёлета складае $15,25 млн.

Год таму пераможцам стаў серб Новак Джокавіч, які абыграў у фінале яніка Сіннера (6:3, 6:3). На гэты раз Джокавіч з-за траўмы не змог выступіць у Турыне.

Прэв’ю: Australian Open