Вольга Чамаданава больш не ўдзельнічае ў электаральнай кампаніі па выбарах Прэзідэнта

Вольга Чамаданава заявіла журналістам пра рашэнне спыніць свой удзел у электаральнай кампаніі па выбарах прэзідэнта, перадае БелТА.

«Сёння на пасяджэнні праўлення Мінскай гарадской арганізацыі грамадскага аб’яднання „Беларускі саюз жанчын“ мы прынялі рашэнне, і я яго агучу», — расказала Вольга Чамаданава.

Паводле яе слоў, сёння ў Беларусі выразна выбудаваная палітычная сістэма і любы грамадзянін, у першую чаргу патрыёт краіны, можа ўдзельнічаць у выбарах самага высокага ўзроўню — выбарах Прэзідэнта.

«Грамадскае аб’яднанне „Беларускі саюз жанчын“ на сённяшні дзень прадэманстравала сваю палітычную сталасць. Мы ўбачылі, як была арганізавана работа штаба, як працавалі ініцыятыўныя групы. І самае галоўнае, напэўна, пачулі сёння запыт нашага грамадства на кансалідацыю вакол нашага прэзідэнта. Мы разумеем выдатна, што ніхто акрамя нашага Прэзідэнта Аляксандра Рыгоравіча Лукашэнкі сёння не зможа забяспечыць тую бяспеку, у якой мы знаходзімся, бяспеку нашай краіны ў першую чаргу і, вядома ж, такое паступальнае развіццё нашай дзяржавы. Мы — каманда нашага прэзідэнта. Мы былі і застаемся гэтай камандай. І самае галоўнае — мы надзейны тыл, у чым можна не сумнявацца. У сувязі з гэтым я прыняла рашэнне не ўдзельнічаць у далейшай электаральнай кампаніі», — дапоўніла Вольга Чамаданава.

Прэв’ю: БелТА