Сусветна вядомы бізнесмен і мільярдэр Ілан Маск, а таксама бізнесмен і палітык Вівек Рамасвамі, які выстаўляў сваю кандыдатуру на выбарах прэзідэнта ЗША, атрымаюць пасады ва ўрадзе краіны. Яны ўзначаляць новы дэпартамент па дасягненні дзяржэфектыўнасці (DOGE), перадаюць РИА Новости.
«Я рады аб’явіць, што вялікі Ілан Маск, працуючы разам з амерыканскім патрыётам Вівекам Рамасвамі, узначаліць Дэпартамент дзяржаўнай эфектыўнасці [DOGE]», — прыводзіцца заява Дональда Трампа.
Па словах выбранага прэзідэнта ЗША, Маск і Рамасвами зоймуцца «дэмантажам урадавай бюракратыі, залішніх правілаў, марнатраўных выдаткаў» у краіне, рэструктурызацыяй федэральных агенцтваў Штатаў.
Ілан Маск, у сваю чаргу, паабяцаў: яго дзейнасць і дзейнасць новага дэпартамента будзе празрыста адлюстроўвацца ў інтэрнэце. Ён таксама збіраецца весці табліцу «лідараў па самых вар’яцка дурных выдатках» сродкаў падаткаплацельшчыкаў ЗША.
Эксперты — аб трэндах у харчаванні беларусаў і перадсвяточным гандлі.
«Машынай хто заўгодна можа кіраваць».
Карэкціроўкі па аплаце жыллёва-камунальных паслуг закрануць чатыры катэгорыі жыхароў.
