У міліцэйскай ВНУ штогод праходзіць навуковы фестываль «Імкніся да сонца». Гэта калейдаскоп інтэлектуальных спаборніцтваў і мерапрыемстваў для будучых юрыстаў са ўсёй краіны. Візітная картка фестывалю — Рэспубліканская праваахоўная алімпіяда, заданні якой распрацоўваюцца з улікам спецыфікі дзейнасці праваахоўных органаў.
У сёлетнім фестывалі прынялі ўдзел 22 каманды студэнтаў-юрыстаў вядучых устаноў вышэйшай адукацыі.
У фінале, які праходзіў у Акадэміі МУС, спаборнічалі тры з іх. Фінальны тур ацэньвала журы.
Па выніках алімпіяды месцы размеркаваліся наступным чынам: бронза дасталася камандзе «Грамадзяне» (Магілёўскі інстытут МУС), серабро — у каманды «Мінскія вiжы» (Беларускі дзяржаўны ўніверсітэт), пераможцам стала каманда «Следства вялі» (Акадэмія МУС). У пераможцаў і прызёраў падарункі, дыпломы і кубкі.
Узнагароджваючы фіналістаў, начальнік Акадэміі МУС генерал-маёр міліцыі Аляксандр Васільеў адзначыў унікальнасць навуковай падзеі. «Мы традыцыйна рыхтуем цікавыя заданні, каб маладыя людзі ўвасаблялі свае самыя неверагодныя адкрыцці і ідэі, — адзначыў ён. — У фінале канкурсанты шукалі сляды рук, аднаўлялі сапсаваны дакумент, апазналі злачынцу па метадзе слоўнага партрэта і сапраўды паказалі моцныя веды па крыміналістыцы. Для дзяцей асабліва ганарова стаць пераможцам алімпіяды — кожны ўдзельнік каманды, якая перамагла, стане стыпендыятам Спецыяльнага фонду Прэзідэнта!»
Вераніка КАНЮТА
Фота прэс-службы Акадэміі МУС
«Абавязак кожнага беларуса — прагаласаваць за сваю будучыню».
Новая гісторыя гістарычнага факультэта.
Мы змаглі пераадолець наступствы заходняга санкцыйнага ціску.
Зрабіўшы якасць неад’емнай часткай іміджу Беларусі як краіны, займацца ёй неабходна пастаянна і ва ўсіх напрамках.
