Аб’ём вытворчасці new-аўто ў Кітаі ўпершыню перавысіў 10 мільёнаў

Як паведамілі ў Кітайскай асацыяцыі аўтавытворцаў, гадавы аб’ём вытворчасці аўтамабіляў на новых крыніцах энергіі ў КНР упершыню перавысіў 10 мільёнаў аўто. Кітай таксама стаў першай краінай у свеце, якая дасягнула гэтай лічбы, перадае «Жэньмінь жыбаа» анлайн».

У 2013 годзе вытворчасць і продаж аўтамабіляў на новых крыніцах энергіі ў Кітаі ўпершыню былі ўключаны ў статыстычную сістэму, тады было выраблена ўсяго толькі 18 тысяч электрамабіляў.

Да 2018-га аб’ём гадавой вытворчасці аўтамабіляў на новых крыніцах энергіі дасягнуў мільённай адзнакі. У 2022-м гэты паказчык перавысіў 5 млн. Да канца гэтага года яшчэ засталося паўтара месяца, а аб’ём гадавой вытворчасці аўтамабіляў на новых крыніцах у краіне ўжо склаў больш за 10 мільёнаў аўто, што на 4.3 працэнта больш у параўнанні з паказчыкам за ўвесь мінулы год, які быў на ўзроўні 9,587 млн. адзінак.

Эксперты прагназуюць, што да канца года гэтая лічба можа перавысіць 12 мільёнаў аўтамабіляў.