Пляцоўкай абласнога прафсаюзнага форуму стаў Гомельскі хімічны завод. У мерапрыемстве прынялі ўдзел моладзь з буйнейшых прадпрыемстваў не толькі рэгіёну, але і краіны ў цэлым — ААТ «СветлагорскХімвалакно», ААТ «Мазырскі НПЗ», ААТ «Гомельтранснафта Дружба». Прадстаўнікі маладзёжнага прафактыву нафтахімічных прадпрыемстваў вобласці сустрэліся для абмеркавання актуальных пытанняў — ад развіцця галіны да электаральнай кампаніі.
Форум стартаваў са знаёмства з вытворчасцю Гомельскага хімзавода. Прадпрыемства выпускае больш за 20 відаў прадукцыі, многія з якіх па якасных паказчыках адпавядаюць замежным аналагам. Цяпер на заводзе паспяхова наладжаны выпуск комплексных азотна-фосфарных і азотна-фосфарна-калійных угнаенняў, якія падыходзяць для глеб рознага ўзроўню ўрадлівасці і розных сельскагаспадарчых культур.
Цэнтральнае мерапрыемства форуму — дыялогавая пляцоўка, на якой маладыя людзі ў нефармальнай абстаноўцы абмеркавалі хвалюючыя пытанні.
— Сёння на моладзь ускладаюцца самыя вялікія надзеі на актыўны ўдзел у жыцці дзяржавы, — пачаў дыскусію намеснік дырэктара па бяспецы, рэжыму і кадрам ААТ «Гомельскі хімічны завод» Дзяніс Будзюхін.
Падтрымаў гэтую думку і старшыня Гомельскай абласной арганізацыі Беларускага прафсаюза работнікаў хімічнай, горнай і нафтавай галін прамысловасці Віталь Яроменка.
— Удзел моладзі ў актыўнай грамадскай дзейнасці — гэта залог будучыні нашай краіны. Мы павінны выхоўваць у маладым пакаленні пачуццё патрыятызму і грамадзянскай адказнасці, бо менавіта яны стануць асновай нашага грамадства ў будучыні, — адзначыў ён. — Неабходна ствараць умовы для самарэалізацыі маладых людзей і прывіваць паважлівыя адносіны да працы. Важна, каб моладзь разумела, што ўклад кожнага ў развіццё нашага грамадства каштоўны і неабходны. Лічу, што толькі разам, выяўляючы актыўнасць і ініцыятыву, мы зможам дасягнуць істотных вынікаў, — дадаў прафсаюзны лідэр.
Намеснік генеральнага дырэктара Мазырскага НПЗ па ідэалагічнай рабоце і сацыяльным развіцці Вадзім Марціновіч у сваім выступленні падкрэсліў, што вынікі выбараў, якія пройдуць 26 студзеня 2025 года, вызначаць будучыню Беларусі на бліжэйшыя гады, таму ўдзел кожнага — гэта свядомая адказная грамадзянская пазіцыя.
Трэба адзначыць, пляцоўка форуму выбрана не выпадкова — на Гомельскім хімічным заводзе актыўна працуюць з маладымі людзьмі. Вопытам работы прадпрыемства ў гэтым напрамку падзялілася старшыня камісіі па рабоце з моладдзю Ганна Фаміна і старшыня маладзёжнага савета прадпрыемства Крысціна Кандрашава.
— На заводзе праводзяцца акцыі і культурныя мерапрыемствы, накіраваныя на развіццё маладых спецыялістаў і фарміраванне актыўнай грамадзянскай пазіцыі. Моладзь актыўна ўдзельнічае ў праектах, прапануе свае ідэі і ініцыятывы, што садзейнічае паляпшэнню работы прадпрыемства і натхняе на далейшыя дасягненні, — адзначылі прадстаўнікі маладзёжнага актыву.
Алена КРАВЕЦ
Бюлетэні па выбарах Прэзідэнта Рэспублікі Беларусь ужо гатовы.
Зрабіўшы якасць неад’емнай часткай іміджу Беларусі як краіны, займацца ёй неабходна пастаянна і ва ўсіх напрамках.
