28 лістапада лепшыя студэнты сталіцы змагаліся за званне «Студэнта года г.Мінска 2024». «Звязда» пабывала на мерапрыемстве і гатова падзяліцца з вамі яркімі момантамі і вынікамі.
Сёлета канцэпцыя конкурсу — «СТУДЭНТ ГОДА МІНСКА 2024. ТРАНСФАРМАЦЫЯ». Тэматыка падкрэслівае важнасць развіцця асобы і якасных змен. Бо так важна памятаць аб тым, што кожны з нас здольны ўнесці свой уклад у паспяховую будучыню і ўдасканаліць усё вакол сябе.
Канкурсантаў і гледачоў чакала насычаная праграма з дэфіле, конкурсам аратарскага майстэрства і творчымі нумарамі. Дарэчы, за ўсю гісторыю конкурсу ўдзельнікі ўпершыню выходзілі ў дэфіле пад унікальна створаную для іх музыку і аранжыроўкі ўсім вядомых хітоў.
Усе 12 удзельнікаў выступілі дастойна, аднак па выніках конкурсу першае месца заняла студэнтка Акадэміі кіравання пры Прэзідэнце РБ Дар’я Васільева, другое — студэнт БДАТУ Павел Лагвіновіч, трэцяе — курсант БДАА Арэст Шасцілоўскі. А ў анлайн-намінацыі перамагла Ксенія Карцялёва з БНТУ. Усе яны прадставяць Мінск на рэспубліканскім этапе конкурсу «Студэнт года».
Лізавета ГОЛАД
фота аўтара
«Гэта не толькі пра бізнес, але і пра чалавечыя адносіны».
«Нашы работы — жывыя, з энергетыкай любові і дабра».
