У Брэсце ў Палацы водных відаў спорту праходзіць ІІ Міжнародны турнір па плаванні «Кубак #1 рэгіёну». Спаборніцтвы прысвечаны 85-годдзю Брэсцкай вобласці, перадае БелТА.
За званне наймацнейшых на дарожках спаборнічаюць каля 750 спартсменаў. Беларусь прадстаўлена ўдзельнікамі з Мінска і абласцей. З Расіі прыехалі каманды Амурскай, Калінінградскай і Тульскай абласцей. Спаборніцтвы сярод юнакоў і дзяўчат праходзяць у трох узроставых катэгорыях. У праграму ўключаны дыстанцыі ўсімі спосабамі плавання. Пераможцаў і прызёраў вызначаюць у асабістым заліку.
«У гэтым годзе мы пачалі фіксаваць рэкорды турніру. Спадзяёмся, на наступны год яны будуць абнаўляцца. Вынікі дастаткова моцныя. На кожнай дыстанцыі ў кожнай узроставай групе фіксуем рэкорд турніру. З задавальненнем хлопцы ўдзельнічаюць», — адзначыла намеснік дырэктара па асноўнай дзейнасці Брэсцкага абласнога цэнтра алімпійскага рэзерву па водных відах спорту Вікторыя Астахава.
У час турніру, дарэчы, была падпісана дамова аб супрацоўніцтве паміж Беларускай федэрацыяй плавання, спартыўнай школай № 1 Благавешчанска і Брэсцкім абласным цэнтрам алімпійскага рэзерву па водных відах спорту.
«Прадстаўнікі Благавешчанска разглядаюць нашу базу для правядзення вучэбна-трэніровачных збораў, удзелу ў спаборніцтвах. Яны ўпершыню ў Беларусі, на наш турнір прыляцелі 20 спартсменаў і чатыры прадстаўнікі. Адлегласць зусім не перашкаджае нашаму супрацоўніцтву. Госці ўражаны спартыўнай інфраструктурай Брэста. Мы з імі наведалі спорту „Вікторыя“, лёгкаатлетычны манеж і вяслярны канал, дыспансер спартыўнай медыцыны. Таксама звозілі іх у Белавежскую пушчу і пазнаёмілі з брэсцкім ліхтаршчыкам», — расказала Вікторыя Астахава.
«Кубак #1 рэгіёну» па плаванні завершыцца 30 лістапада.
«Гэта не толькі пра бізнес, але і пра чалавечыя адносіны».
«Нашы работы — жывыя, з энергетыкай любові і дабра».
