Усходні гараскоп на наступны тыдзень

Авен. На гэтым тыдні будзьце больш асцярожнымі з інфармацыяй, асабліва калі яна датычыцца вас асабіста. Службовы раман пагражае сапсаваць вам рэпутацыю. Займіце чакальную пазіцыю і паступайце па магчымасці абдумана і мудра. Нягледзячы на поспехі, вы не зможаце пазбавіцца пачуцця, што вам чагосьці бракуе.

Цялец. Вы будзеце ў цэнтры падзей з самага пачатку тыдня. Звярніце асаблівую ўвагу на дзелавыя кантакты, перамовы і нарады. У сераду магчымы нечаканыя навіны. Пажадана адмовіцца ад рызыкоўных мерапрыемстваў і авантурных прапаноў. З наватарскімі ідэямі лепш пачакаць. Другую палову тыдня пажадана разгрузіць ці прысвяціць адпачынку. У пятніцу лепш не расказваць пра сябе многа, тыдзень спрыяльны для вядзення таемных любоўных спраў.

Блізняты. На гэтым тыдні вам не прыйдзецца злавацца, сустракаючыся з цяжкасцямі, якія толькі загартуюць вас. Ды і асаблівых перашкод на шляху не чакаецца. Зможаце скончыць важную справу або творчы праект. Наблізіцца да выканання сваёй мары. Усплёск актыўнасці павысіць аўтарытэт сярод калег. Аднак не забывайце пра адпачынак. Напрыканцы тыдня намячаецца радасная падзея, якая напоўніць душу радасцю і надзеямі.

Рак. У пачатку тыдня сябар можа даць каштоўную параду або аказаць важную паслугу. Калегі будуць падтрымліваць вашыя прапановы, а начальства можа ўзнагародзіць прэміяй. Чацвер — вельмі прыдатны дзень для прыняцця адказных рашэнняў, ацаніце бягучыя справы і адкарэкціруйце ўсё так, як лічыце патрэбным. У другой палове тыдня вас чакаюць спатканні і рамантыка.

Леў. Набярыцеся цярпення, тады вы па-філасофску паставіцеся да размотвання клубка дробных праблем. Вы амаль усё абдумалі, і другая палова тыдня добры час, каб прыняць канчатковае рашэнне. Спатрэбяцца дыпламатычнасць і ўраўнаважанасць. Памятайце, што паспешнасць можа толькі нашкодзіць. Паспрабуйце не трапіць на вуду зайздроснікаў. Уважліва сачыце за сваёй прамовай, не гаварыце лішняга.

Дзева. У пачатку тыдня лепш заняцца вырашэннем старых праблем і завяршэннем пачатых спраў. У аўторак будзьце асцярожнымі, вас можа падсцерагаць добра замаскіраваны падман. Не верце ліслівым прамовам — важна, што людзі робяць, а не абяцаюць. У нядзелю вашы планы могуць раптоўна змяніцца. Гэта будзе звязана, хутчэй за ўсё, з многаабяцальнымі паездкамі і камандзіроўкамі. Пастаўцеся з увагай да праблем родных.

Шалі. Надышоў добры час падумаць аб планах і праектах на будучыню. Не бойцеся штосьці мяняць і ставіць перад сабой амбіцыйныя задачы. На рабоце вас чакае поспех, нават верагоднае павышэнне па службе ці прэмія. Серада парадуе ўдалымі дзелавымі сустрэчамі, а ў суботу магчыма прыемнае спатканне. Чакайце дарагі падарунак ад прадстаўніка супрацьлеглага полу.

Скарпіён. На рабоце справы ідуць удала, да вас будуць прыслухоўвацца калегі і начальства. Верагодны поспех у фінансах і ў бізнесе. Выкарыстоўвайце добразычлівыя адносіны да вас, прасоўвайце свае інтарэсы. Поспех у прафесійнай дзейнасці прынясуць разумны кансерватызм і вернасць старым прывычкам. Сітуацыя павінна стаць спрыяльнай да сярэдзіны тыдня, што знойдзе канкрэтнае выражэнне ў росце матэрыяльнага дабрабыту. Уразлівымі бакамі могуць апынуцца сфера адносін са сваякамі і ступень вашай дасведчанасці.

Стралец. Вам неабходна ўмацоўваць аўтарытэт і берагчы рэпутацыю. Паспрабуйце нікому не навязваць свайго меркавання, гэтым толькі адштурхняце ад сябе прыемных людзей. У пачатку тыдня вашы смелыя ідэі будуць адзначаны начальствам, так што можна чакаць павышэння па службе. У сераду вам трэба разабрацца з незавершанымі папяровымі справамі, не адпраўляйце іх у доўгую скрыню. У нядзелю варта заняцца домам і сям’ёй.

Казярог. Удалы тыдзень для абнаўлення гардэроба, змены стылю і пошуку новых рамантычных знаёмстваў. А вось на рабоце асаблівых поспехаў пакуль не прадбачыцца. У аўторак пажадана пазбягаць непатрэбных і малапрыемных размоў, інакш да канца тыдня можаце адчуць заняпад сіл. Аб’ектыўна разлічвайце сілы ў сераду. Не імкніцеся асягнуць неабсяжнае. Нядрэнна праверыць некаторых дзелавых партнёраў на надзейнасць. У пятніцу не выключана сутыкненне з бюракратычнай цяганінай. У суботу не варта пачынаць новыя справы.

Вадаліў. Гэты тыдзень, хутчэй за ўсё, давядзецца прысвяціць рабоце без астатку. Вам вельмі шмат трэба зрабіць, каб думаць пра адпачынак. Зрэшты, некаторыя праблемы акажуцца не такімі сур’ёзнымі, як вам здаецца. Паспрабуйце быць стрыманымі і сачыць за тым, што і каму вы гаворыце. У канцы тыдня паберажыце сілы, устрымайцеся ад мітусні і балбатлівасці, варта зменшыць аб’ём працы.

Рыбы. На гэтым тыдні будзе разумным не ўзвальваць увесь груз клопатаў на сябе, а звярнуцца па дапамогу да сяброў ці блізкіх людзей. У вашым жыцці адбудуцца сур’ёзныя змены. Магчыма, вас чакае развод ці пераезд. Праблемы, якія доўга збіраліся, не атрымаецца проста 
ігнараваць. Поспех у дзелавой сферы будзе залежаць ад умення дамовіцца і выкарыстоўваць сувязі і знаёмствы. Субота — спрыяльны дзень для паездак і падарожжаў.