Ганна Лукашэнка: пасля Оршы «Марафон адзінства» прыедзе ў Баранавічы і Брэст

Пасля Оршы «Марафон адзінства» прыедзе ў Баранавічы і Брэст. Пра гэта журналістам распавяла кіраўніца рабочай групы арганізацыі і правядзення акцыі «Марафон адзінства» Ганна Лукашэнка, паведамляе БелТА.

«На Оршы мы завяршаем „Марафон адзінства“ ў Віцебскай вобласці. Пасля гэтага мы вяртаемся ў Брэсцкую вобласць. Наступныя гарады — гэта Баранавічы і Брэст. Рыхтуемся, прапрацоўваем новыя канцэртныя праграмы, шукаем новыя формы мерапрыемстваў. У кожным з гарадоў будзе свая асаблівасць, свая разыначка», — адзначыла Ганна Лукашэнка.

Кіраўнік рабочай групы падкрэсліла, што канцэпцыя канцэртаў «Час выбраў нас» у рамках «Марафону адзінства» заключаецца ў тым, што ўпор робяць у тым ліку на мясцовыя калектывы і вядомых выканаўцаў з таго ці іншага горада.

«Я думаю, гледачы заўважылі, што гэта прасочваецца ў кожным канцэрце. Сёння будуць выступаць ураджэнцы Віцебскай вобласці. У цэлым Віцебская зямля багатая талентамі. І мы проста не маглі абыйсці гэта бокам. На мой погляд, сёння ў поўнай меры мы раскрыем патэнцыял Віцебскай вобласці», — дадала Ганна Лукашэнка.

Прэв’ю: БелТА