Сучасная Беларусь — суверэнная, незалежная, ідзе наперад да новых здзяйсненняў, а беларусы — не той народ, хто дазволіць сябе падзяліць. Пра гэта на канцэрце «Час выбраў нас», які праходзіць у Віцебску ў рамках «Марафону адзінства», сказаў генеральны дырэктар Нацыянальнай бібліятэкі Беларусі Вадзім Гігін, перадае БелТА.
Кіраўнік Нацбібліятэкі, які выступіў на сцэне, падкрэсліў, што беларускі народ у розныя часы адстойваў сваю незалежнасць і цэласнасць. Ён нагадаў перыяд у гісторыі краіны, калі заходнія землі амаль 20 гадоў знаходзіліся пад польскай акупацыяй. «Беларусы — гэта не той народ, хто дасць сябе падзяліць. Сваёй барацьбой мы даказалі ўласнае права быць адзіным цэлым», — сказаў Вадзім Гігін.
Аб’яднанне спрадвечна беларускіх тэрыторый адбылося ў 1939 годзе, і ў гонар гэтага цяперашняе пакаленне жыхароў Сінявокай 17 верасня адзначае Дзень народнага адзінства.
«Свой Дзень Незалежнасці, 3 ліпеня, мы адзначаем у памяць аб вызваленні ад самага страшнага зла, якое калі-небудзь прыходзіла на нашу Зямлю, — ад нямецка-фашысцкіх акупантаў. Аб вызваленні, якое нашы продкі здабылі ва ўпартай кровапралітнай барацьбе. Яшчэ адно наша свята — 9 Мая — мы адзначаем разам з усімі людзьмі добрай волі, з тымі, каму дарога гістарычная праўда, наша агульная перамога. І ўжо ў наступным годзе ўсе разам мы адзначым 80-годдзе той пераможнай вясны 1945 года», — падкрэсліў гендырэктар Нацыянальнай бібліятэкі.
Ён агучыў галоўныя ідэалы, якія дарогі сэрцу беларусаў сёння. «Незалежнасць, адзінства, справядлівасць, праўда і вера ў перамогу — тыя ідэалы, якія аб’ядноўваюць увесь беларускі народ», — сказаў Вадзім Гігін, дадаўшы, што адзіная краіна пад кіраўніцтвам беларускага лідара накіраваная наперад, да новых здзяйсненняў і перамог.
Прэв’ю: БелТА
Цяпер, каб аформіць дачу, не трэба ехаць туды, дзе яна знаходзіцца.
Узмацненне адраснасці дзяржпадтрымкі і садзейнічання занятасці
Карэкціроўкі па аплаце жыллёва-камунальных паслуг закрануць чатыры катэгорыі жыхароў.
