Галоўчанка расказаў, як эканоміка Беларусі падвоілася за 20 гадоў

За апошнія 20 гадоў эканоміка Беларусі падвоілася, прычым стратэгія дзяржавы заключаецца ў забеспячэнні планамернага і якаснага росту ВУП. Пра гэта ў эфіры тэлеканала «Беларусь 1» расказаў прэм’ер-міністр Раман Галоўчанка.

Гаворачы аб эканамічных паказчыках, якіх дасягнула краіна, прэм’ер-міністр адзначыў, што адным з важных у іх ліку з’яўляецца рост ВУП, і растлумачыў, што гэта азначае. «Калі вельмі спрошчана, гэты тэрмін абазначае кошт усіх тавараў і паслуг, якія выраблены ў дзяржаве. Адпаведна чым мы больш вырабляем, тым мы больш спажываем, адпаведна вышэй узровень даходаў людзей, больш заработная плата і гэтак далей. То бок, гэта фактычна інтэгральны паказчык — адзін з самых важных паказчыкаў — развіцця эканомікі. У плоскасцевай мадэлі ВУП расце — значыць, краіна развіваецца», — сказаў Раман Галоўчанка.

Ён прывёў некалькі прыкладаў з жыцця. Напрыклад, калі будаўнікі выкапаюць і закапаюць затым яму, за абодва віда работ атрымаюць зарплату, то ВУП прырасце, але прагрэсу не будзе. Калі кліентка цырульніка-мужчыны кожны месяц плаціць яму за паслугі, а потым гэтая пара ўступае ў шлюб, то ВУП як бы падае на тую суму, якую жанчына перастае плаціць за стрыжку ўжо свайму мужу. «ВУП можна, што называецца, разагнаць. Для гэтага выкарыстоўваецца цэлы арсенал сродкаў, у дзяржавы яны ёсць – ад нарошчвання бюджэтных расходаў прамых да, напрыклад, лібералізацыі рэжымаў, зніжэння падаткаў і гэтак далей. Гэта значыць разагнаць яго можна любымі спосабамі, у тым ліку можна разагнаць за кошт эмісіі. Але гэта не будзе мець ніякай вагі, ніякага ўплыву, калі такі рост будзе суправаджацца інфляцыяй. Адпаведна даходы дадатковыя будуць з’ядацца інфляцыяй, гэта значыць людзі не адчуюць ніякага паляпшэння ўзроўню жыцця», — падкрэсліў прэм’ер-міністр.

Раман Галоўчанка дадаў, што ў Беларусі імкнуцца развіваць эканоміку планамерна і прытрымлівацца якаснага росту. «Мы паслядоўна выступаем за якасны рост эканомікі, якасны і збалансаваны. Мы з 2000 года, гэта значыць за 24 няпоўныя гады, нарасцілі наш валавы ўнутраны прадукт у 2,3 разы. І ён цяпер дасягнуў, летась прынамсі, Br216 млрд. Гэта значыць за 20 гадоў наша эканоміка падвоілася. І ў гэтым годзе мы таксама забяспечваем рост вышэй планавых параметраў. Вельмі важна, што ён суправаджаецца ростам даходаў насельніцтва. Радуе, што растуць асноўныя сектары – сістэмаўтваральная прамысловасць, сельская гаспадарка, будаўніцтва, гандаль. Можна канстатаваць, што аднавілася секцыя „інфармацыя і сувязь“, гэта значыць IT-паслугі. Пасля доўгага такога, павольнага, але ўсё ж такі зніжэння сітуацыя стабілізавалася, мы назіраем вельмі пазітыўныя сігналы ў IT-сектары», — падкрэсліў Раман Галоўчанка.

Адзначыў прэм’ер-міністр і рост рэальнага заробку. «Рост заработнай платы — рэальны, падкрэсліваю, — у нас цяпер складае 13%. Гэта ўжо з папраўкай на інфляцыю, якая таксама трымаецца цяпер у параметрах прагнозаў», — праінфармаваў Раман Галоўчанка.