У Беларусі зроблена ўсё, каб нашым людзям жылося камфортна, заявіла старшыня Савета Рэспублікі Наталля Качанава на сустрэчы з педагагічным калектывам і навучэнцамі старэйшых класаў Глыбоцкай раённай гімназіі, перадае БелТА.
«Унутраная палітыка нашай дзяржавы нацэлена перш за ўсё на чалавека, яго магчымасці, патрэбы, праблемы. З году ў год робіцца ўсё для таго, каб нашым людзям жылося больш камфортна, — сказала Наталля Качанава. — Калі казаць пра замежную палітыку нашай краіны, то перш за ўсё гэта мір і згода. Ніколі наша краіна нікому не пагражала і пагражаць не будзе. Мы ніколі не падтрымлівалі ваенныя канфлікты. Мы заўсёды казалі, што трэба дамаўляцца мірным шляхам. І сёння, калі на планеце так шмат гарачых кропак, вядома, нас не можа гэта не хваляваць і не турбаваць. Сёння самае галоўнае — каб былі мір і спакой на зямлі».
За 30 гадоў станаўлення інстытута прэзідэнцтва наша краіна змянілася да непазнавальнасці. «Вам, хлопцы, можа быць, гэта менш прыкметна, таму што вы нарадзіліся і выраслі ў такой краіне. Нам гэта прыкметна вельмі сур’ёзна, таму што мы нарадзіліся ў іншай краіне. І калі разваліўся Савецкі Саюз, пад кіраўніцтвам прэзідэнта мы 30 гадоў па крупінках стваралі сваю краіну мудрымі рашэннямі, якія прымаліся абсалютна правільна», — падкрэсліла спікер.
Наталля Качанава таксама пазнаёмілася з дзейнасцю гімназіі, наведала выставу дзяржаўнай установы дадатковай адукацыі «Цэнтр дзяцей і моладзі Глыбоцкага раёна», а таксама выставу факультатыўнага занятку і аб’яднання па інтарэсах гімназіі «Роба».
Фота: БелТА
Практыка комплекснага добраўпарадкавання населеных пунктаў на Гомельшчыне дае новае жыццё райцэнтрам рэгіёна.
Са студзеня даходы пенсіянераў павялічацца — у некаторых да 500 рублёў.
