У Кітаі 230 мільёнаў карыстальнікаў прадуктаў генератыўнага штучнага інтэлекту

Паводле справаздачы аб развіцці генератыўнага штучнага інтэлекту (ШІ), апублікаванай Кітайскім інфармацыйным інтэрнэт-цэнтрам (CNNIC), колькасць карыстальнікаў адпаведных прадуктаў у Кітаі дасягнула 230 мільёнаў, перадае «Сіньхуа».

Як адзначаюць эксперты, гэта сведчыць аб шырокім укараненні ў краіне абнаўленняў, заснаваных на ШІ, у розных галінах прамысловасці. У КНР створана даволі шырокая экасістэма індустрыі ШІ, у якую ўваходзяць больш за 4500 кампаній, звязаных з гэтым сектарам.

Індустрыя генератыўнага штучнага інтэлекту актыўна развіваецца, а кошт асноўнага сектара дасягае 600 млрд. юаняў (каля 82,8 млрд. долараў). Экасістэма галіны ахоплівае ключавыя вобласці як на пачатковым, так і на канчатковым этапах, у тым ліку чыпы, алгарытмы, даныя, платформы і дадаткі.

Па стане на ліпень у сетцы было зарэгістравана і функцыянавала больш за 190 генератыўных мадэляў ШІ, якія прапануюць карыстальнікам шырокі спектр магчымасцяў і індывідуальны падыход, адзначаецца ў справаздачы CNNIC.

У ліпені мінулага года Кітай выпусціў збор часовых правіл кіравання паслугамі генератыўнага штучнага інтэлекту — першы падобны дакумент у свеце. У рэзалюцыі аб ключавых рэформах, прынятай на 3-м пленуме ЦК КПК 20-га склікання, якое адбылося сёлета ў ліпені, таксама адзначалася, што краіна будзе ўдасканальваць механізмы распрацоўкі і кіравання генератыўным ШІ.