Рэстаўрацыю аднаго з самых прыгожых і найстарэйшых у горадзе аб’ектаў, якія прадстаўляюць гісторыка-культурную каштоўнасць, храма Аляксандра Неўскага плануюць завяршыць у 2025 годзе. Пра гэта расказаў кіраўнік адміністрацыі Савецкага раёна Сяргей Хільман, паведамляюць «Минск-Новости».
— У 2025 годзе плануецца завяршыць рэстаўрацыйныя работы ў рамках праектна-каштарыснай дакументацыі, якая сёння распрацавана і прайшла дзяржэкспертызу. Вядома, сутыкаліся з пэўнымі складанасцямі, напрыклад, калі пачалася ачыстка цаглянай кладкі, якая мае гістарычную каштоўнасць. Работы кантраляваліся навуковым кіраўніком ад Міністэрства культуры. Многае даводзілася змяняць у працэсе – праект аддавалі на карэкціроўку некалькі разоў, — растлумачыў кіраўнік адміністрацыі. — Сёння з-за ўмоў надвор’я дзейнічаюць абмежаванні на выкананне некаторых відаў работ.
Хільман удакладніў, што існуюць асаблівыя патрабаванні да рэстаўрацыі аб’ектаў, якія прадстаўляюць гісторыка-культурную каштоўнасць. Таму работы маюць намер завяршыць у спрыяльны для гэтага перыяд 2025 года.
Практыка комплекснага добраўпарадкавання населеных пунктаў на Гомельшчыне дае новае жыццё райцэнтрам рэгіёна.
Са студзеня даходы пенсіянераў павялічацца — у некаторых да 500 рублёў.
