У Беларусі змяняецца заканадаўства па дзяржрэгістрацыі нерухомасці. Лукашэнка падпісаў новы закон

Прэзідэнт Беларусі Аляксандр Лукашэнка падпісаў закон «Аб змяненні законаў па пытаннях дзяржаўнай рэгістрацыі нерухомай маёмасці, правоў на яе і здзелак з ей», які забяспечвае комплекснае і сістэмнае ўдасканаленне адносін у гэтай сферы. Пра гэта паведамілі ў прэс-службе беларускага лідара.

У прыватнасці, законам прадугледжваецца абавязковая дзяржаўная рэгістрацыя нерухомай маёмасці, правоў на яе і здзелак з ёй у тэрмін не больш за 6 месяцаў, а па раней выдадзеных дакументах — да 1 студзеня 2031 года.

Грамадзяне змогуць атрымліваць пасведчанні аб дзяржрэгістрацыі непасрэдна ў натарыўса, які засведчыў альбо выдаў дакумент, які з’яўляецца падставай для рэгістрацыі, без неабходнасці дадатковага наведвання рэгістратара нерухомасці.

У Адзіны дзяржаўны рэгістр нерухомай маёмасці, правоў на яго і здзелак з ім у аўтаматычным рэжыме будуць уносіцца выпраўлення, звязаныя са змяненнем адрасоў аб’ектаў нерухомасці, персанальных дадзеных грамадзян, ідэнтыфікацыйных звестак суб’ектаў гаспадарання, а таксама з пераходам правоў на нерухомую маёмасць у выпадку стварэння індывідуальным прадпрымальнікам камерцыйнай арганізацыі.

Законам таксама прадугледжаны экстэрытарыяльны прынцып рэгістрацыйных дзеянняў (незалежна ад месца знаходжання маёмасці), а таксама абавязковы дасудовы парадак абскарджання дзеянняў рэгістратара нерухомасці.

Акрамя таго, да 1 студзеня 2028 года падаўжаецца тэрмін звароту за легалізацыяй самавольна занятых зямельных участкаў.

Прэв’ю: БелТА