Старшыня КНР Сі Цзіньпін падкрэсліў важнасць стварэння моцных і сучасных войскаў інфармацыйнай падтрымкі і імклівага развіцця сеткавай інфармацыйнай сістэмы кітайскіх узброеных сіл, перадае «Сіньхуа».
Сі Цзіньпін, які таксама з’яўляецца генеральным сакратаром ЦК КПК і старшынёй Цэнтральнага ваеннага савета, выступіў з адпаведным заклікам падчас інспекцыі войскаў інфармацыйнай падтрымкі Народна-вызваленчай арміі Кітая (НВАК).
Войскі інфармацыйнай падтрымкі НВАК — стратэгічны род войскаў, створаны ў працэсе карэкціроўкі і рэфармавання структуры відаў і родаў узброеных сіл Кітая. Падчас урачыстага сходу з нагоды заснавання гэтага роду войскаў у красавіку Сі Цзіньпін асабіста ўручыў яму вайсковы сцяг і акрэсліў стратэгічныя задачы.
Як указаў падчас інспекцыі старшыня КНР, сеткавая інфармацыйная сістэма стала адыгрываць беспрэцэдэнтна прыкметную ролю ў сучаснай вайне, і неабходна ў поўнай меры ўсведамляць крайнюю важнасць фарміравання гэтай сістэмы. Кітайскі лідар заклікаў войскі інфармацыйнай падтрымкі паскорыць работу па будаўніцтве сеткавай інфармацыйнай сістэмы, павысіць яе патэнцыял па абслугоўванні і падтрымцы боегатоўнасці і баяздольнасці арміі.
Сі Цзіньпін адзначыў, што належыць удасканаліць спосабы забеспячэння інфармацыйных паслуг і надаваць пільную ўвагу абароне бяспекі сеткавай інфармацыі. Старшыня КНР таксама заклікаў праводзіць абнаўленне метадаў камандавання і трансфармацыю спосабаў вядзення баявых дзеянняў.
Сі Цзіньпін запатрабаваў змагацца з карупцыяй, падкрэсліўшы, што гэтыя войскі павінны быць абсалютна адданымі, чыстымі і надзейнымі. Кітайскі лідар адзначыў, што Цэнтральнаму ваеннаму савету і іншым профільным ведамствам належыць прымаць скаардынаваныя намаганні для развіцця войскаў інфармацыйнай падтрымкі.
Практыка комплекснага добраўпарадкавання населеных пунктаў на Гомельшчыне дае новае жыццё райцэнтрам рэгіёна.
Са студзеня даходы пенсіянераў павялічацца — у некаторых да 500 рублёў.
