Маладзёжны парламент пры Нацыянальным сходзе Рэспублікі Беларусь адкрывае прыём заявак на ўдзел у восьмым наборы лідарскай платформы «Каманда будучыні».
Лідарская платформа «Каманда будучыні» — гэта праект па пошуку, прасоўванні і навучанні маладых лідараў Беларусі (ад 18 да 35 гадоў) тэарэтычным і практычным навыкам у сферы лідарства і дзяржаўнага кіравання.
У рамках праекта будуць праходзіць трэнінгі па майстэрстве публічных выступленняў, развіцці лідарскіх якасцяў і тэхналогіях міжасобасных камунікацый. Удзельнікаў чакаюць унікальныя мерапрыемствы з улікам лепшых традыцый праекта, дзякуючы якім яны змогуць асвоіць навыкі аратарскага майстэрства, навучыцца весці дзелавыя перагаворы і ўдзельнічаць у дэбатах, а таксама пазнаёміцца з аднадумцамі і атрымаць неабходныя кіраўніцкія навыкі.
Восьмы набор Лідарскай платформы «Каманда будучыні» адбудзецца ў студзені-сакавіку 2025 года і будзе складацца з пяці разнапланавых мерапрыемстваў. Па выніках пяці мерапрыемстваў усе ўдзельнікі атрымаюць афіцыйныя сертыфікаты ад арганізатараў, а пераможцы фінальнага мерапрыемства — каштоўныя падарункі.
Рэгістрацыя будзе праходзіць з 7 снежня 2024 года па 8 студзеня 2025 года. Месца правядзення мерапрыемства — горад Мінск.
Каб прыняць удзел у праекце, неабходна адправіць заяўку на электронную пошту (kbmpns@gmail.com) з указаннем вашага прозвішча, імя і імя па бацьку; даты нараджэння; месца вучобы, спецыяльнасць і курс або месца працы і пасаду; размясціце спасылкі на вашыя сацыяльныя сеткі; укажыце дасягненні ў сферы вучобы, працы, грамадскай, навуковай і іншай дзейнасці (пры наяўнасці). Да заяўкі неабходна прымацаваць ваша фота.
Пры ўзнікненні пытанняў можна звярнуцца да арганізатараў па электроннай пошце: kbmpns@gmail.com
Вераніка КАНЮТА
Фота БелТА
Практыка комплекснага добраўпарадкавання населеных пунктаў на Гомельшчыне дае новае жыццё райцэнтрам рэгіёна.
Са студзеня даходы пенсіянераў павялічацца — у некаторых да 500 рублёў.
