Старшыня Палаты прадстаўнікоў Нацыянальнага сходу Беларусі Ігар Сергяенка ў гутарцы з журналістамі расказаў, пра што ішла размова на сустрэчы Прэзідэнта Расіі Уладзіміра Пуціна з кіраўнікамі парламентаў краін АДКБ, якія прыбылі ў Маскву для ўдзелу ў мерапрыемствах па лініі Парламенцкай асамблеі АДКБ, перадае БелТА.
«Падчас гэтай сустрэчы прэзідэнт Расіі пазначыў пэўныя арыенціры для работы Парламенцкай асамблеі, гаворка ішла і пра Мадэльныя законы, якія распрацоўваюцца ПА АДКБ, пра ролю парламентаў у стварэнні і ўдасканаленні прававой базы Арганізацыі Дагавору аб калектыўнай бяспецы», — сказаў Ігар Сергяенка.
Паводле яго слоў, вялікую ўвагу Уладзімір Пуцін надаў тэме захавання гістарычнай памяці і праўды аб Вялікай Айчыннай вайне, а таксама прынятаму ПА АДКБ звароту да народаў дзяржаў—членаў арганізацыі і парламентарыяў краін свету, прымеркаванаму да 80-годдзя Перамогі савецкага народа ў Вялікай Айчыннай вайне і антыгітлераўскай кааліцыі ў Другой сусветнай вайне.
«Гаварылі таксама аб бягучай абстаноўцы, выкліках, якія мы бачым і фіксуем», — дадаў Ігар Сергяенка.
Прэв’ю: БелТА
Бюлетэні па выбарах Прэзідэнта Рэспублікі Беларусь ужо гатовы.
Практыка комплекснага добраўпарадкавання населеных пунктаў на Гомельшчыне дае новае жыццё райцэнтрам рэгіёна.
Зрабіўшы якасць неад’емнай часткай іміджу Беларусі як краіны, займацца ёй неабходна пастаянна і ва ўсіх напрамках.
