Назвалі прэтэндэнтаў на званне «Чалавек года» па версіі Time

Часопіс Time назваў прэтэндэнтаў на званне «Чалавек года». Пра гэта паведамляе Time.

У шорт-ліст увайшлі выбраны прэзідэнт ЗША Дональд Трамп, віцэ-прэзідэнт ЗША і саперніца Трампа на выбарах ад Дэмакратычнай партыі Камала Харыс, амерыканскі мільярдэр Ілан Маск і генеральны дырэктар Meta Марк Цукерберг.

У лік намінантаў таксама ўвайшлі Брытанская прынцэса Кейт Мідлтан, прэм’ер-міністр Ізраіля Біньямін Нетаньяху, амерыканскі комік Джо Роган, першая ў гісторыі Мексікі жанчына-прэзідэнт Клаўдыя Шэйнбаўм і іншыя вядомыя асобы.

У матэрыяле выдання гаворыцца, што «Чалавек года» будзе абвешчаны 12 снежня.

Пачынаючы з 1927 года часопіс Time штогод называе чалавека, групу або канцэпцыю, якія аказалі найбольшы ўплыў (добры ці дрэнны) на свет за папярэднія 12 месяцаў. У 2023 годзе званне чалавека года атрымала амерыканская спявачка Тэйлар Свіфт.