У апошнія некалькі гадоў падкасты карыстаюцца ўсё большай папулярнасцю сярод кітайцаў, перадае «Жэньмінь жыбаа» анлайн».
Летась колькасць кітайскіх падкастаў павялічылася ў сем разоў у параўнанні з трыма гадамі раней. Працягласць аднаго выпуску доўжыцца ад некалькіх дзясяткаў хвілін да адной гадзіны, змест вельмі разнастайны. Баўленне вольнага часу, атрыманне ведаў і эмацыйнае суправаджэнне з’яўляюцца асноўнымі прычынамі выбару падкастаў.
Згодна з апублікаванай Белай кнігай па CPA-маркетынгу, падкасты імкліва набіраюць папулярнасць па ўсім свеце. Чакаецца, што да канца 2024 года колькасць слухачоў падкастаў дасягне 500 мільёнаў чалавек, а колькасць праграм перавысіць 4 млн. Пры гэтым кошт індустрыі складзе больш за 30 млрд. долараў. Кітай лічыцца самым хуткарослым у свеце рынкам падкастаў — мяркуецца, што да 2025 года колькасць слухачоў перавысіць 150 млн. чалавек. Павелічэнне колькасці слухачоў суправаджаецца імклівым ростам колькасці стваральнікаў. Да верасня 2024 года агульная колькасць падкастаў на платформе дадатку «Сяоюйчжоў» ужо перавысіла 130 тысяч, што на 40 працэнтаў больш у параўнанні з аналагічным перыядам летась.
Хуткае развіццё падкастаў прыцягвае ўсё большую ўвагу да іх камерцыйнай каштоўнасці. Варта адзначыць, што апроч платных падкастаў шлях камерцыялізацыі таксама ўключае рэкламу ў падкастах і фірмовыя падкасты. Усё больш брэндаў выкарыстоўваюць падкаст у якасці новага метаду кантэнт-маркетынгу, вывучаючы ўсё больш магчымасцяў.
Практыка комплекснага добраўпарадкавання населеных пунктаў на Гомельшчыне дае новае жыццё райцэнтрам рэгіёна.
Са студзеня даходы пенсіянераў павялічацца — у некаторых да 500 рублёў.
