У Мінску ўпершыню праходзіць акцыя, дзякуючы якой любы ахвочы можа адправіць ліст у рэзідэнцыю Дзеда Мароза непасрэдна з гарадскога транспарту, паведамілі БелТА ў ДП «Мінсктранс».
З 10 снежня па горадзе курсіруюць 46 аўтобусаў, тралейбусаў і трамваяў, упрыгожаных навагодняй ілюмінацыяй. У кожным з іх устаноўлены спецыяльныя паштовыя скрыні для лістоў. «Кожны такі транспарт упрыгожаны гірляндамі, якія ствараюць святочны настрой. На скрынях размешчаны наклейкі з надпісам: „Тут вы можаце адправіць ліст у рэзідэнцыю Дзеда Мароза“. Для гэтага дастаткова пакласці ліст у канверце з указаннем адраса: рэзідэнцыя Дзеда Мароза, Белавежская пушча», — расказалі ў «Мінсктрансе».
Акцыя праводзіцца ўпершыню, таму арганізатары пакуль не могуць дакладна сказаць, колькі лістоў збярэцца. Але ўжо зараз заўважна, што незвычайная ідэя прыцягнула ўвагу пасажыраў. «Пасля завяршэння акцыі лісты будуць перададзены ў рэзідэнцыю Дзеда Мароза. Спадзяемся, што гэта ініцыятыва стане добрай традыцыяй», — дадалі ў аб’яднанні.
Транспартныя маршруты з поштай Дзеда Мароза ахопліваюць увесь горад, і кожны мінчанін або госць сталіцы можа адчуць чараўніцтва святаў. Акцыя працягнецца да 29 снежня.
Практыка комплекснага добраўпарадкавання населеных пунктаў на Гомельшчыне дае новае жыццё райцэнтрам рэгіёна.
Са студзеня даходы пенсіянераў павялічацца — у некаторых да 500 рублёў.
