Жыхар Магілёва хацеў купіць ноўтбук у інтэрнэце, але застаўся без грошай і тэхнікі. Пра гэта паведамляе БелТА са спасылкай на УУС Магілёўскага аблвыканкама.
У аператыўна-дзяжурную службу Ленінскага РУУС Магілёва звярнуўся 31-гадовы магіляўчанін. Мужчына хацеў набыць сабе ноўтбук, але пасля пераводу прадаўцу задатку так нічога і не атрымаў.
Праваахоўнікі высветлілі, што заяўніка падмануў 18-гадовы жыхар Віцебска. Менавіта ён размясціў на адным з сайтаў аб’яву аб продажы тэхнікі. Прапанову ён падмацаваў фатаграфіямі, узятымі з інтэрнэту.
Калі пакупнік пагадзіўся перавесці частку грошай, прадавец паведаміў нумар карты, а пасля забраў залічаныя сродкі, выдаліў аб’яву і перастаў выходзіць на сувязь.
У дачыненні да фігуранта следчыя распачалі крымінальную справу.
Пачалося датэрміновае галасаванне на выбарах Прэзідэнта Рэспублікі Беларусь
Карэспандэнты «Звязды» высветлілі, як рыхтаваліся ўчасткі, як быў арганізаваны электаральны працэс непасрэдна ў рэгіёнах
Зрабіўшы якасць неад’емнай часткай іміджу Беларусі як краіны, займацца ёй неабходна пастаянна і ва ўсіх напрамках.
