Старшыня Палаты прадстаўнікоў Нацыянальнага сходу Беларусі Уладзімір Андрэйчанка ўпэўнены, што сітуацыю спрашчаць нельга.
—Трэба цудоўна разумець, што ва ўсіх гэтых дзеянняў ёсць заказчыкі і ёсць выканаўцы. Ёсць мэты, якія яны ставяць. Не ўсім падабаецца тая палітыка, якая праводзіцца ў Беларусі, Прэзідэнтам Беларусі. І вы ведаеце, каму гэта не падабаецца. Ёсць банкі, праз каторыя ідзе пракачка грошай, каб падтрымліваць тыя негатыўныя працэсы, якія сёння ідуць у Беларусі.
Таму задача і праваахоўных органаў, і дэпутатаў Палаты прадстаўнікоў адназначна – выкананне Канстытуцыі, заканадаўства. Вядома, нам трэба больш сустракацца з людзьмі, гаварыць з імі. Мы праводзім сустрэчы ў рэгіёнах, з актывам. Гэтыя сустрэчы ўжо праведзены ў Магілёўскай, Брэсцкай, Гродзенскай, заўтра (26) – ў Мінскай, потым у Мінску і нарэшце ў Віцебскай.
Праводзім такія сустрэчы і ў буйных гарадах. У прыватнасці, я ўжо сустрэўся з актывам і з апазіцыяй у Полацку, Наваполацку. Падрыхтаванасць дэпутатаў і матэрыялы, якія ў нас ёсць, дазваляюць даць аб’ектыўную ацэнку працэсам, якія адбываюцца.
Мы назначылі выбары, дэпутаты Палаты прадстаўнікоў, і мы мусім зрабіць ўсё, каб яны праходзілі ў прававым рэчышчы.
Запісала Варвара МАРОЗАВА
Прэв’ю: БелТА
Спасылкі
[1] https://zviazda.by/be/author/varvara-marozava
[2] https://zviazda.by/be/palityka
[3] https://zviazda.by/be/gramadstva
[4] https://zviazda.by/be/tags/vybary-2020
[5] https://zviazda.by/be/tags/uladzimir-andrechanka