У Слуцку адбылося свята пад назвай «Вялікі гарадскі пікнік», якое чакалі многія велааматары.
І сапраўды, сярод розных святочных мерапрыемстваў гэтага дня, галоўным стаў велапрабег, у якім прынялі ўдзел амаль паўтары сотні прыхільнікаў экалагічнага двухколавага транспарту горада. Дружына велааматараў розных узростаў праехала па галоўнай вуліцы Слуцка, здзейсніла прабег і па кальцы вакол горада, фінішавала ў гістарычным месцы — каля помніка Сафіі Слуцкай.
Удзельнікаў велагонкі чакаў каштоўны прыз — веласіпед. Уладальніцай прыза стала настаўніца фізкультуры медыцынскага каледжа Таццяна Язвінская, якая на час свята пазычыла ў суседзяў веласіпед, каб прыняць удзел ў гэтым прабегу. Разам з Таццянай «калясіла» і яе дачка Дар’я. Для сям’і новы веласіпед стаў не толькі нечаканым, але і актуальным набыткам.
Анатоль КЛЯШЧУК
Фота аўтара
Спасылкі
[1] https://zviazda.by/be/tags/anatol-klyashchuk
[2] https://zviazda.by/be/gramadstva
[3] https://zviazda.by/be/tags/sluck
[4] https://zviazda.by/be/tags/vyaliki-garadski-piknik
[5] https://zviazda.by/be/tags/velaprabeg