У Палаце прадстаўнікоў закрылася трэцяя, самая кароткая сесія. Яна працягнулася два дні. Пазачарговая сесія Палаты прадстаўнікоў склікалася для заслухоўвання Паслання [3] Прэзідэнта беларускаму народу і Нацыянальнаму сходу.
Самая кароткая сесія мела самае кароткае заключнае пасяджэнне, якое склала толькі выніковая прамова старшыні ніжняй палаты парламенту Уладзіміра Андрэйчанкі. Ён ахарактарызаваў Пасланне як сапраўды адкрытую і шчырую размову, падчас якой дэпутаты атрымалі адказы на самыя адчувальныя пытанні, якія хвалююць сёння беларускае грамадства.
«Залогам паспяховага пераадолення цяжкасцяў, абумоўленых абвастрэннем глабальных геапалітычных супярэчнасцяў і сусветным крызісам, які ўзмацняецца, з’яўляецца яднанне і згуртаванне народа, — сказаў Уладзімір Андрэйчанка. — Ніхто, акрамя саміх беларусаў, не забяспечыць незалежнасць краіны, мір, стабільнасць і грамадскі дабрабыт».
Старшыня Палаты прадстаўнікоў упэўнены, што абсалютная большасць нашых грамадзян цалкам падзяляе гэты галоўны пасыл Прэзідэнта.
«Наша задача, паважаныя калегі, — аб’ектыўна, без эмоцый данесці стваральны сэнс кожнага тэзіса Паслання да выбаршчыкаў. Будзе няпроста. Мы бачым, як нагнятаецца сітуацыя, якія намаганні і немалыя фінансавыя сродкі ўкладваюцца ў тое, каб разгайдаць краіну, збіць з панталыку нашу моладзь адарванымі ад рэальнасці безадказнымі лозунгамі», — падкрэсліў Уладзімір Андрэйчанка.
Яшчэ адна наша задача для дэпутатаў у перадвыбарчы час — праца з міжнароднымі назіральнікамі, калегамі-парламентарыямі. Як дадаў старшыня Палаты прадстаўнікоў, дэпутаты павінны максімальна садзейнічаць таму, каб свет пабачыў аб’ектыўную карціну таго, што адбываецца.
Марыя ДАДАЛКА
Прэв’ю: sportedu.by
Спасылкі
[1] https://zviazda.by/be/author/maryya-dadalka
[2] https://zviazda.by/be/palityka
[3] http://zviazda.by/be/news/20200804/1596526802-syonnya-prezident-belarusi-alyaksandr-lukashenka-zvernecca-da-naroda-i
[4] https://zviazda.by/be/tags/palata-pradstaunikou
[5] https://zviazda.by/be/tags/paslanne-da-belaruskaga-naroda-i-nacyyanalnaga-shodu
[6] https://zviazda.by/be/tags/sesiya-palaty-pradstaunikou