У сераду каля 9 гадзін раніцы ў вёсцы Васілеўшчына Мінскага раёна 18-гадовы трактарыст, кіруючы трактарам МТЗ, сутыкнуўся з апорнай калонай бульбасховішча сельскагаспадарчага прадпрыемства. У выніку адбылося перакульванне калоны і абвальванне даху пабудовы. 61-гадовая работніца прадпрыемства загінула на месцы здарэння, яшчэ адна жанчына з траўмамі рознай ступені дастаўлена ў бальніцу.

У цяперашні час на месцы здарэння працуе следча-аператыўная група, праводзіцца агляд, дапытваюцца сведкі. Следчым прызначана правядзенне судова-медыцынскіх экспертыз, вывучаецца дакументацыя прадпрыемства. Паводле папярэдняй інфармацыі, трактарыст быў цвярозы.

Па дадзеным факце Мінскім РАСК узбуджана крымінальная справа па ч.2 арт.317 (парушэнне правілаў дарожнага руху або эксплуатацыі транспартных сродкаў, што пацягнула па неасцярожнасці смерць чалавека) Крымінальнага кодэкса.