Цэнтр культуры «Віцебск» аднаўляе анлайн-праекты, паведамілі belta.by [1] ва ўстанове культуры.
Прывычны рэжым работы відазмяняецца з-за эпідэміялагічнай сітуацыі. Зноў становіцца актуальным анлайн-праект «#ЦКнасвязи», арганізаваны на старонцы ЦК «Віцебск» у Instagram. У новым сезоне ён будзе ўключаць шмат цікавых мерапрыемстваў. Першым з іх стане музычна-паэтычная сустрэча з удзельнікам народнага тэатра-студыі аўтарскай песні Леанідам Аляксандравым, якая адбудзецца ў рамках кватэрніка 31 кастрычніка. Усе наступныя лістападаўскія сустрэчы будуць праводзіцца па вечарах пятніцы.
У Цэнтры культуры «Віцебск» акцэнтавалі ўвагу на важнасці забеспячэння і выканання мер бяспекі. Ва ўстанове культуры з гэтай мэтай уводзяцца раздзедбныя ўваходы і выхады для наведвальнікаў, а таксама гардэробы для ўдзельнікаў творчых калектываў. Вучэбны расклад творчых калектываў зменены з улікам дробнагрупавых заняткаў і падтрымання гігіенічна бяспечнага стану, санітарнай апрацоўкі памяшканняў і танцавальных класаў. Акрамя таго, прадаўжае дзейнічаць рэжым сацыяльнага дыстанцыравання, які дае магчымасць скараціць непасрэдныя кантакты людзей.
Спасылкі
[1] https://blr.belta.by/culture/view/tsentr-kultury-vitsebsk-adnauljae-anlajn-praekty-93268-2020/
[2] https://zviazda.by/be/tags/vicebsk