Карпарацыя Alibaba апублікавала «Даклад аб лічбавым жыцці састарэлых людзей». Згодна з гэтым дакументам, нягледзячы на тое што прадстаўнікі старэйшага пакалення імкліва асвойваюць лічбавыя платформы, услед за распаўсюджваннем мабільнага інтэрнэту значная іх частка па-ранейшаму сутыкаецца з «лічбавай прорвай», перадае «Жэньмінь жыбаа» анлайн» [3].
Аплата па QR-коду, заказ таксі онлайн, прадстаўленне кода здароўя ... уУ сучасным грамадстве інтэлектуальныя прылады, у тым ліку мабільныя тэлефоны, ужо сталі неад’емнай часткай у паўсядзённым жыцці людзей. У сувязі з «лічбавай прорвай», якая з’яўляецца следствам значных змяненняў у ладзе жыцця, больш прыкметнымі становяцца такія праблемы, як «няўменне карыстацца» або «апасенне карыстацца» інтэлектуальнымі прыладамі сярод прадстаўнікоў пажылога насельніцтва, а таксама іх «недахоп вопыту і высокая верагоднасць быць падманутымі».
Сёлета доля насельніцтва старэйшага за 60 гадоў складзе 17.4% ад агульнай колькасці. Усё больш пажылых людзей пераходзяць ад анлайн-пакупак да лічбавага жыцця, расце спажыванне анлайн-паслуг прадстаўнікамі старэйшага пакалення. У 2019 годзе колькасць заказаў страў для пажылых людзей на платформе па дастаўцы ежы Ele.me кампаніі Alibaba павялічылася прыкладна ў 10 разоў. Адначасова з гэтым, расце спажыванне на турыстычныя прадукты анлайн.
Адзначаецца, што расце колькасць пажылых карыстальнікаў на платформе Taobao, аднак з-за аперацыйных праблем паказчык аплаты сярод іх ніжэй, чым сярод маладых карыстальнікаў.
72% дзяцей пажылых людзей і 73% саміх прадстаўнікоў старэйшага пакалення спадзяюцца на правядзенне навучання лічбавым паслугах. Дзеці лічаць, што прадстаўнікам пакалення іх бацькоў неабходна атрымаць веды па анлайн-бяспецы і прадухіленні махлярства (67%), а самі пажылыя людзі больш за ўсё жадаюць авалодаць навыкамі здзяйснення пакупак анлайн (71%) і плацяжоў (63%).
Прэв'ю: russian.people.com.cn
Спасылкі
[1] https://zviazda.by/be/u-svece
[2] https://zviazda.by/be/vestki-z-kitaya-0
[3] http://russian.people.com.cn/
[4] https://zviazda.by/be/vestki-z-kitaya