Вось ужо 12 гадоў запар з 1 мая да 1 кастрычніка ў Беларусі праходзіць конкурс экаваланцёраў «Моладзь за чысціню гарадоў і вёсак», асноўная мэта якога — выхаванне беражлівых адносін да прыроды, любові да сваёй зямлі. Найлепшых з іх днямі ўзнагародзілі ў Мінску.
Сёлета маладзёжныя валанцёрскія атрады прыцягваліся да ўдзелу ў мерапрыемствах па добраўпарадкаванні помнікаў, мясцін пахаванняў, тэрыторый населеных пунктаў, месцаў масавага адпачынку, водаахоўных зон, паркаў, аб'ектаў культурна-гістарычнай і духоўнай спадчыны, а таксама да стварэння ландшафтных кампазіцый.
Узнагароджваючы пераможцаў, намеснік міністра прыродных рэсурсаў і аховы навакольнага асяроддзя Аляксандр КОРБУТ выказаў падзяку моладзі за праведзеную работу і адзначыў, што менавіта іх клопатам Беларусь з кожным днём становіцца больш прыгожай, зялёнай і чыстай.
Знаёмімся з пераможцамі.
«Найлепшы валанцёрскі атрад (лагер) сярод вучнёўскай моладзі»:
- І месца — валанцёрскі атрад «Вясёлка» пярвічнай арганізацыі ГА «БРСМ» ДУА «Арэхаўская сярэдняя школа імя Ю. В. Смірнова» Аршанскага раёна;
- ІІ месца — валанцёрскі атрад пярвічнай арганізацыі ГА «БРСМ» ДУА «Каменская сярэдняя школа Мазырскага раёна»;
- ІІІ месца — валанцёрскі атрад «Рукі дапамогі» Бялыніцкага раённага камітэта ГА «БРСМ».
«Найлепшы валанцёрскі атрад (лагер) сярод студэнцкай моладзі»:
- І месца — валанцёрскі атрад «Добрае сэрца» пярвічнай арганізацыі ГА «БРСМ» УА «Кобрынскі дзяржаўны політэхнічны каледж»;
- ІІ месца — валанцёрскі атрад «ЭкалогіЯ» пярвічнай арганізацыі ГА «БРСМ» УА «Гомельскі дзяржаўны педагагічны каледж імя Л. С. Выгоцкага»;
- ІІІ месца — валанцёрскі атрад «Добрае сэрца» пярвічнай арганізацыі ГА «БРСМ» УА «Полацкі дзяржаўны прафесійны ліцэй сельскагаспадарчай вытворчасці».
«Найлепшы валанцёрскі атрад (лагер) сярод працоўнай моладзі»:
- І месца — валанцёрскі атрад «Твой выбар» Глыбоцкага РК ГА «БРСМ»;
- ІІ месца — валанцёрскі атрад «Вачамі моладзі» пярвічнай арганізацыі ГА «БРСМ» УП «Віцебскаблгаз» ВУ «Полацкгаз»;
- ІІІ месца — валанцёрскі атрад «Меркурый» пярвічнай арганізацыі ГА «БРСМ» Гомельскай мытні.
«Найлепшая ландшафтная кампазіцыя»:
- І месца — валанцёрскі атрад «Добрае сэрца» пярвічнай арганізацыі ГА «БРСМ» УА «Полацкі дзяржаўны прафесійны ліцэй сельскагаспадарчай вытворчасці»;
- ІІ месца — валанцёрскі атрад «Надзея» пярвічнай арганізацыі ГА «БРСМ» УА «Гомельскі дзяржаўны тэхнічны ўніверсітэт імя П. В. Сухога»;
- ІІІ месца — валанцёрскі атрад «ЭКАдазор» пярвічнай арганізацыі ДУА «Парплішчанская сярэдняя школа Докшыцкага раёна».
«Найлепшы валанцёр атрада (лагера) сярод навучэнскай, студэнцкай, працоўнай моладзі»:
- І месца — Іван Белахвостаў, камісар валанцёрскага атрада «Няма перашкод» пярвічнай арганізацыі ГА «БРСМ» ДУА «Юрцаўскі дзіцячы сад – сярэдняя школа Аршанскага раёна»;
- ІІ месца — Уладзіслаў Белякоў, актывіст валанцёрскага атрада УА «Гомельскі дзяржаўны прафесійны ліцэй чыгуначнага транспарту»;
- ІІІ месца — Анастасія Арбузава, сакратар пярвічнай арганізацыі ГА «БРСМ» ААТ «Баброва-Агра».
Маргарыта ДРАЗДОВА
Фота прэс-службы Мінпрыроды